Þegar fengið rúmar þrjár milljónir kr.

Umfjöllun DV um svonefnt Aratúnsmál hefur dregið dilk á eftir sér fyrir þá sem hengdu meiðandi athugasemdir við fréttir miðilsins eða blogguðu um málið.

Á annan tug manna fengu kröfubréf frá lögmanni fjölskyldunnar sem til umfjöllunar var og hver dómurinn á fætur öðrum hefur fallið á undanförnum mánuðum.

Í umfjöllun um þetta mál í Morgunblaðinu í dag kemur fram, að fjölskyldunni hafa þegar verið dæmdar rúmar þrjár milljónir króna í miskabætur og málskostnað vegna ærumeiðandi ummæla og enn eiga eftir að falla dómar í Héraðsdómi Reykjavíkur.