Von er á éljum með lélegu skyggni í fyrramálið. Ómar Óskarsson

Vindur til snýst til SV-áttar síðar í dag með kólnandi veðri aftur.  Útlit er fyrir éljagang vestantil frá því síðdegis með krapa á vegum til að byrja með og síðar snjóþekju.  Spáð er stormi í éljunum í nótt og fyrramálið með mjög lélegu skyggni í hryðjunum, segir veðurfræðingur Vegagerðarinnar.

Hálkublettir eru á Sandskeiði, Hellisheiði og í Þrengslum. Á Suðurlandi er flughált víða í uppsveitum. Á Vesturlandi er flughálka í Staðarsveit og eins í Álftafirði.  Hálka eða hálkublettir eru á öðrum leiðum.

Á Vestfjörðum er hálka á flestum leiðum en þó er flughált en á nokkrum stöðum. Á Norðurlandi vestra eru hálkublettir frá Staðarskála að Hvammstanga, hálka er á Öxnadalsheiði og flughálka frá Hofsósi í Ketilás.

Á Norðausturlandi er hálka, flughált er þó á Mývatnsöræfum og frá Ásbyrgi í Kópasker og flughált er í Vopnafirði. Ófært er á Brekknaheiði.

Á Austurlandi er hálka, flughált er á Oddsskarði og frá Streiti í Hvalnes, hálka eftir það í Höfn.

Á Suðausturlandi er flughált frá Höfn í Kvísker, hálka eftir það í Vík.