Vilmundur Jósefsson. mbl.is/Sverrir Vilhelmsson

Vilmundur Jósefsson formaður Samtaka atvinnulífsins segir í grein í Morgunblaðinu í dag að það sé varasöm stefna sem felur í sér að tengsl milli atvinnuvegaráðuneyta og ákvarðana um nýtingu auðlinda, rannsóknir, ráðgjöf og verndun auðlinda verða rofin. Þá segir hann m.a. að náin tengsl rannsóknaraðila og stjórnsýslu atvinnuveganna séu nauðsynleg til að tryggja traust og samvinnu á milli aðila.

,

Íslenskar orkurannsóknir þjóna orkufyrirtækjunum á margvíslegan hátt og stunda rannsóknir á þeirra vegum og er nauðsynlegt að þar á milli séu náin tengsl. Hætta er á að þau rofni verði af fyrirhugaðri breytingu. Sama má segja um samstarf Matís og atvinnulífsins. Matís er þekkingar- og rannsóknafyrirtæki sem vinnur að þróun og nýsköpun í matvælaiðnaði og líftækni og sinnir matvælaöryggi. Matís veitir fyrirtækjum í sjávarútvegi, landbúnaði og almennri matvælaframleiðslu ráðgjöf og þjónustu. Sem dæmi kemur Matís að þróun á nýjum vörum og ferlum fyrir fyrirtæki og hefur mikilvægu hlutverki að gegna varðandi gæði og öryggi matvæla. Þessi tengsl verður að vernda.