Vilji hjá Íslandi til að semja
Setja bókamerki
Það er vilji hjá íslenskum stjórnvöldum til að finna lausn á makríldeilunni. Þetta segir Steingrímur J. Sigfússon, nýr sjávarútvegs- og landbúnaðarráðherra, í samtali við fishnewseu.com.
Steingrímur segir að í lok þessa mánaðar verði gerð lokatilraun til að ná samkomulagi í deilunni, en þá koma samningsaðilar, Ísland, Noregur, Færeyjar og Evrópusambandið, saman til fundar í Bergen í Noregi.
Steingrímur segir í viðtalinu að hann telji mikilvægt að allir deiluaðilar leggi sig fram um að ná samkomulagi svo að hægt verði koma í veg fyrir ofveiði úr makrílstofninum.
Steingrímur segir að það sé enginn ágreiningur um að heildarveiði á makríl eigi að byggjast á tillögum vísindamanna. Ágreiningur sé hins vegar hvernig eigi að skipta veiðinni milli þjóðanna.
Steingrímur segir að tillaga Noregs og ESB, sem lögð var fram á síðasta fundi á Írlandi, hafi verið algerlega óraunhæf. Tillagan hafi í reynd verið skref aftur á bak. Hann minnir á að á síðustu árum hafi makríllinn verið að færa sig til norðvesturs og veiðist því í miklu magni í íslenskri lögsögu.
Baldur: „Ég ætla að svara þessu kalli“
Segir nýtt frumvarp gefa eldisfyrirtækjum auðlindir
Tapa fimm milljónum á dag
Mest spennandi kosningar í áratugi
Sáttur við sína stöðu og finnur fyrir meðbyr
Íslendingar ein mest einmana þjóð heims
Búið að bólusetja börn alla helgina
Bifreið ekið á skrifstofu Útlendingastofnunar