mbl.is/Árni Sæberg

Sjóvá vekur athygli á að rigningu og hlýindum er spáð næstu daga og því sé von á hláku og vatnsveðri. Reynslan undanfarnar vikur sýni að flest tjón við þessar aðstæður hafi orðið þar sem ekki hafi verið nægilega vel hreinsað frá niðurföllum, snjór hreinsaður af svölum eða þökum.

Þetta séu tjón sem í mörgum tilfellum hefði verið hægt að koma í veg fyrir.  

Sjóvá bendir á eftirfarandi leiðir fyrir heimili og fyrirtæki til að hreinsa snjó og klaka:

Heimili:

• Hreinsaðu snjó og fjarlægðu klaka frá niðurföllum í innkeyrslu og í götunni þinni
• Hreinsaðu sand eða önnur óhreinindi frá niðurföllum
• Hreinsaðu snjó og klaka af svölum, en gættu þess að hvorki bílar né fólk sé fyrir neðan
• Losaðu klaka og grýlukerti úr þakrennum og af þakskeggi
• Þar sem gengið er niður í kjallara  og við glugga og veggi á neðri hæð gæti þurft að moka snjó frá.

Fyrirtæki:

• Vertu viss um að vatn eigi greiða leið í niðurföll á bílastæði og viðskiptavinum stafi ekki hætta af snjó eða klaka sem fellur af þaki
• Farðu yfir hvort vatns- og hitalagnir virka eðlilega
• Þar sem ekki er dagleg starfsemi í húsnæði mælir Sjóvá með að eigendur fari yfir húsnæði og umhverfi til að koma í veg fyrir vatnstjón