Víða er snjóþungt. Úr safni. mbl.is/Sigurgeir

Búið er að opna Reykjanesbraut í aðra áttina frá Hafnarfirði til Keflavíkur en ekki búið að hleypa umferð á frá Keflavík til Hafnarfjarðar.

Vegna veðurs verða Sandskeið, Hellisheiði og Þrengslin lokuð um óákveðin tíma.

Hættustigi lýst yfir á Súðavíkurhlíð og Eyrarhlíð og eru þessar leiðir því lokaðar.


Þungfært og skafrenningur er á öllum leiðum á Suðurlandi og verið að hreinsa.

Allir vegir á Vestfjörðum og Norðurlandi vestra er ófærir og ekkert ferðaveður á þeim slóðum. Þæfingsfærð og stórhríð er á Vatnsskarði og Þverárfalli.

Á Norðurlandi er ófært í Ólafsfjarðarmúla en hálka eða snjór á öðrum leiðum þó er ófært á Hólasandi.

Á Austurlandi og Suðausturlandi er hálak eða snjór á flestum leiðum.

Ábending frá veðurfræðingi
Suðvestanlands og vestanlands verður áfram allhvass vindur með skafrenningi fram á morguninn, en lagast síðan smámsaman.  Á Vestfjörðum lagast veður mikið þegar líður á morguninn, en á sama tíma fer versnandi í Skagafirði og Eyjafirði og þar hríðarveður og skafrenningur.