Hellisheiði mbl.is/Ómar

Hálka og éljagangur er á Sandskeiði og í Þrengslum en snjór og él á Hellisheiði. Flestar aðalleiðir á  Suðurlandi eru færar en þó er víða þungfært á fáfarnari sveitavegum. Enn er ófært á Mosfellsheiði, Þingvallavegi og Lyngdalsheiði en unnið að hreinsun, samkvæmt upplýsingum frá Vegagerðinni.

Hálkublettir eru á Reykjanesbraut en hálka á Suðurnesjum. Ófært er á Suðurstrandarvegi.

Á Vesturlandi er víðast hvar hálka. Ófært er á Útnesvegi, í Álftafirði og á Laxárdalsheiði.

Á Vestfjörðum er ófært frá Vatnsfirði og austur yfir Klettsháls en unnið að hreinsun. Enn er ófært í Djúpinu. Þar er mikill snjór en unnið að hreinsun. Beðið er með mokstur í Súgandafirði vegna umferðaróhapps og flughált er í Bæjarhreppi.

Á Norðurlandi er víðast hvar hálka eða snjór. Siglufjarðarvegur er ófær en þæfingur er á Tjörnesi og unnið að hreinsun.

Hálka eða snjór er á flestum vegum á Austurlandi og Suðausturlandi. Þungfært er á Breiðamerkursandi og þæfingsfærð milli Kirkjubæjarklausturs og Víkur.