Reuters

Íslensk heilbrigðisyfirvöld fjalla nú um niðurstöður sérfræðinganefndar um PIP-brjóstafyllingar til að meta hvort þær gefi tilefni til endurskoðunar á aðgerðum stjórnvalda sem kynntar voru 10. janúar síðastliðinn. Einnig er horft til fyrstu niðurstaðna úr ómskoðunum hjá Leitarstöð Krabbameinsfélagsins, segir í tilkynningu frá velferðarráðuneytinu.

Skýrsla sérfræðinganefndar framkvæmdastjórnar Evrópusambandsins, Committee on Emerging and Newly Identified Health Risks, sem falið var að gera áhættumat á brjóstafyllingum frá franska framleiðandanum PIP var kynnt í gær.

Samkvæmt skýrslunni virðist sem í mörgum tilvikum hafi iðnaðarsílíkon verið notað í brjóstafyllingar frá PIP. Slíkar brjóstafyllingar geta aukið líkur á leka úr púðunum í mannslíkamann. 

Náið samstarf er milli heilbrigðisyfirvalda Evrópuþjóða og þar til bærra eftirlitsstofnana sem deila með sér öllum mikilvægum upplýsingum sem fram koma varðandi PIP-brjóstafyllingarnar og niðurstöðum rannsókna sem þegar hafa verið gerðar á mögulegum áhrifum þeirra á heilsufar.

Lagt er til að fleiri rannsóknir verði gerðar sem byggjast á niðurstöðum frá löndum Evrópu þar sem slíkar brjóstafyllingar hafa verið notaðar.

Sjá nánar hér