mbl.is/Ómar

Á Vesturlandi er snjór á Holtavörðuheiði. Hálka er á Bröttubrekku og Fróðárheiði og hálkublettir á Vatnaleið og víðar.

Á Vestfjörðum er flughálka á Steingrímsfjarðarheiði og að Þröskuldum, einnig er flughált á Drangsnesi og Gjögri. Snjór er á Klettshálsi. Hálka og hálkublettir eru á öðrum leiðum á Vestfjörðum.

Hálka er á Sandskeiði og Þrengslum en snjór á Hellisheiði. Hálkublettir eru í uppsveitum Árnes- og Rangárvallasýslna. Hálka er á Reykjanesbraut.

Á Norðurlandi vestra eru hálkublettir og éljagangur á Þverárfjalli og hálka á Vatnsskarði. Hálkublettir og snjókoma er á Öxnadalsheiði en hálkublettir víðast hvar.

Á Norðausturlandi er flughálka á Hólasandi og Mývatnsöræfum. Hálka er á Möðrudalsöræfum, annars eru hálkublettir víða.

Á Austurlandi eru hálkublettir á Fjarðarheiði og Breiðdalsheiði en aðrar leiðir eru greiðfærar.

Á Suðausturlandi eru allar helstu leiðir greiðfærar, samkvæmt upplýsingum frá Vegagerðinni.