Samningurinn var undirritaður í dag.

Í dag var undirritað samkomulag um að setja í gang tilraunaverkefni sem hefur að markmiði að auka og efla vinnumiðlun, ráðgjöf og þjónustu við atvinnuleitendur. Atvinnuleitendur sem eru félagsmenn þeirra stéttarfélaga sem verkefnið nær til munu eiga rétt á að sækja alla þjónustu til síns félags. Það mun ná til um 25% atvinnuleitenda á landinu. Stefnt er að því að verkefnið hefjist í byrjun maí.

Í frétt frá ASÍ segir að það hafi lengi verið krafa Alþýðusambandsins að stéttarfélögin fái á ný að koma að þjónustu við þá félaga sína sem misst hafa vinnuna. „Það er og hefur lengi verið skoðun ASÍ að stéttarfélög geti leikið stórt hlutverk í þjónustu við atvinnuleitendur á sama hátt og þau aðstoða félagsmenn sína vegna veikinda, starfsmenntunar eða örorku.

Jafnframt hefur að frumkvæði Alþýðusambands Íslands og samstarfsaðila verið stóraukið fé til vinnumiðlunar og virkra vinnumarkaðsaðgerða til að mæta þeim erfiðu aðstæðum sem nú eru á vinnumarkaði.“

Ekki hefur algjör samstaða um þetta verkefni og hefur SFR m.a. gert athugasemdir við það. Í ályktun frá félaginu í síðasta mánuði er bent á að hægt sé að fara þá leið að efla Vinnumálastofnun.