Hafna frumvarpi Péturs Blöndal

Ungir sjálfstæðismenn lýsa yfir andstöðu við nýlegt frumvarp Péturs Blöndal, þingmanns Sjálfstæðisflokksins, um stjórn fiskveiða. Í því er gert ráð fyrir að allar aflaheimildir verði þjóðnýttar og þeim svo endurúthlutað til almennings. Ungir sjálfstæðismenn telja að hugmyndir um þjóðnýtingu eigi ekki heima í flokkum sem vilja kenna sig við hægristefnu og frjálst markaðshagkerfi. Þjóðnýting stenst að sjálfsögðu ekki eignarréttarákvæði stjórnarskrárinnar.

 Í ályktun frá SUS segir að þegar aflamarkskerfi var komið á var aflaheimildum úthlutað til þeirra sem höfðu sýnt áræði með því að fjárfesta í greininni. Rúmlega 90% aflaheimilda hafa skipt um eigendur frá þeim tíma.

„Ungir sjálfstæðismenn vilja standa vörð um rétt þeirra sem sýnt hafa áræði til að fjárfesta í aflaheimildum, tækjum og þekkingu og skapað þannig ómældar skatt- og gjaldeyristekjur fyrir þjóðarbúið. Séreignarréttur er besta leiðin til að tryggja sjálfbæra nýtingu auðlindarinnar til framtíðar og til að tryggja að hún skili sem mestum arði til samfélagsins til langs tíma.“

• 3 blogg um fréttina

Bloggað um fréttina

• Þorsteinn Siglaugsson: Eftir 20 ár?
• Axel Þór Kolbeinsson: Misskilningur SUS
• Ólafur Örn Jónsson: SUS lepur NÝ FÁVISKUNA úr YOU TUBE TRÚÐNUM H.H.