Innlent | mbl | 21.2.2012 | 11:36 | Uppfært 20:24

Krefjast tafarlausra refsiaðgerða vegna makrílveiðanna

mbl.is/Ómar Óskarsson

Forystumenn í írskum sjávarútvegi vilja að Evrópusambandið grípi nú þegar til refsiaðgerða gegn Íslendingum og Færeyingum í kjölfar þess að ekki náðist samkomulag um makrílkvóta þessa árs í viðræðum fulltrúa sambandsins, Noregs, Íslands og Færeyja í Reykjavík í síðustu viku.

„Við viljum að Evrópusambandið taki af skarið og komi á refsiaðgerðum tafarlaust. Þetta hefur kannski ekki svo mikil áhrif fyrir árið 2012 en við erum að horfa til stöðu stofnsins til lengri tíma,“ er haft eftir Sean O'Donoghue, formanni Samtaka írskra útvegsmanna, á fréttavef Irish Examiner í dag.

Sjávarútvegsráðherra Írlands, Simon Coveney, lýsti yfir vonbrigðum sínum með að viðræðurnar hefðu ekki skilað niðurstöðu. Sagði hann að hvorki Íslendingar né Færeyingar hefðu sýnt neinn sveigjanleika eða raunverulegan vilja til þess að ná samkomulagi á fundinum í Reykjavík.

Coveney sagði að það væri algerlega óréttlætanlegt að Íslendingar og Færeyingar fengju úthlutuð 15% af makrílstofninum líkt og þeir hefðu lagt til. Ennfremur væri ekki ásættanlegt að miða við veiðar úr stofninum á síðasta ári enda væri þar með verið að verðlauna þjóðirnar tvær fyrir óábyrgar og stjórnlausar veiðar sínar.

„Þetta sýnir vel skort þeirra á raunverulegum vilja til þess að finna sanngjarna og réttláta niðurstöðu til þess að stýra veiðum úr stofninum,“ sagði Coveney ennfremur. Hann sagði að á meðan makrílveiðar skiptu Íra miklu máli og hefðu gert í áratugi hefðu Íslendingar enga hefð fyrir slíkum veiðum.

„Það er gjörsamlega óviðunandi að umsóknarríki að Evrópusambandinu skuli hegða sér með þessum hætti, stefna störfum í mikla hættu og lífsafkomu í nágrannaríki í sambandinu,“ sagði Coveney að lokum.

Innlent »

Catalina flugbáturinn sem flaug yfir Reykjavík í dag.

Catalina er í fullu fjöri

17:26 Flugbátar af Catalinagerð voru í notkun hér á landi á árunum 1944 - 1963 og var slík vél fyrsta íslenska flugvélin til að fljúga á milli landa og önnur lék stórt hlutverk í Þorskastríðinu. 68 ára gömul Catalinavél sveif um loftin blá yfir Reykjavík í dag og verður til sýnis á Flugdeginum á morgun. Meira

Fisvél. Myndin er úr myndasafni og tengist efni fréttarinnar ekki beint.

Fisvél brotlenti við Klaustur

17:04 Fisvél brotlenti við Ásgerði, skammt frá Kirkjubæjarklaustri, um klukkan þrjú í dag. Tveir menn voru í vélinni og sluppu þeir ómeiddir. Meira

Skjaldborg í skjóli fjalla

17:18 „Þetta litar bæjarlífið virkilega skemmtilega,“ segir Alda Davíðsdóttir, Skjaldborgarstjóri í Sjóræningjahúsinu á Patreksfirði. Um helgina hafa í kringum 300 manns sótt heimildamyndahátíðina Skjaldborg í bænum en þetta er í sjötta sinn sem að hátíðin fer fram. Meira

Þóra opnar skrifstofu

16:45 Kosningamiðstöð forsetaframboðs Þóru Arnórsdóttur verður opnuð í gömlu Heilsuverndarstöðinni við Barónsstíg á annan í hvítasunnu, mánudaginn 28. maí. Miðstöðin verður opin alla daga klukkan 14-20 fram að kosningum. Meira

Lettneska konan enn ófundin

Ligita Solomenceva sem lögreglan leitar að.

16:14 Leit að lettneskri konu sem sást síðast um miðjan þennan mánuð hefur enn ekki borið árangur. Vitað er að hún tók á leigu sumarhús við Meðalfellsvatn og hefur leitin því enn sem komið er farið fram í nágrenni þess. Meira

Náttúru, sögu og nytjum gerð skil

17:00 Ljósmyndasýningin „Í Veiðivötnum“ var opnuð í Heklusetrinu á Leirubakka í gær. Það eru hjónin Sigrún Kristjánsdóttir og Pálmi Bjarnason sem eru höfundar myndanna, og er sýningin afrakstur myndatökuferða þeirra við vötnin undanfarin ár. Meira

Veðrið leikur við landsmenn

16:38 Veðrið leikur við landsmenn núna um hvítasunnuhelgina og gangi veðurspá eftir verður einmuna veðurblíða og hlýindi næstu daga. Meira

Við akstur undir áhrifum kannabis

15:55 Lögreglan á Selfossi stöðvaði ökumann á Biskupstungnabraut í Grímsnesi rétt fyrir hádegi í dag við reglubundið eftirlit vegna gruns um að sá æki undir áhrifum. Meira

Gleymdist að slökkva á eldavélinni

15:49 Dælubíll frá slökkviliði höfuðborgarsvæðisins var sendur að heimahúsi í Grafarholtinu fyrr í dag en pottur hafði þar gleymst á eldavél og ekki verið slökkt undir honum. Þegar slökkviliðsmenn komu á vettvang var enginn heima en nágrannar höfðu látið vita af reykjarlykt og síðan reyk. Meira

Voru frelsinu fegnar

15:19 Það var fjölmenni sem fylgdist með því þegar kúnum á Helluvaði á Rangárvöllum var sleppt út í gær á hátíðinni „Halló Helluvað“ sem hefur verið haldin árlega á bænum um nokkurt skeið. Meira

Fjölmennasti hópurinn frá upphafi

15:43 Verkmenntaskólinn á Akureyri brautskráði 191 nemanda með 223 skírteini í gær þegar skólanum var slitið í menningarhúsinu Hofi. Fram kom í ræðu Sigríðar Huldar Jónsdóttur, skólameistara VMA, að um væri að ræða fjölmennasta hóp sem hefði verið útskrifaður frá skólanum en alls hefðu verið brautskráðir 292 nemendur á skólaárinu. Meira

Margir sóla sig í sundi í dag

14:51 Margir nota tækifærið í veðurblíðunni og bregða sér í sund í dag, hvítasunnudag, en sundlaugar eru víða opnar. Um helmingur sundlauganna á höfuðborgarsvæðinu er opinn í dag. Afgreiðslutími þeirra er misjafn, þeim er yfirleitt lokað á bilinu 18-19, en Versalalaug í Kópavogi er opin til klukkan 20. Meira

„Svona sending er ný reynsla“

14:19 „Ég hef verið sakaður um margt á langri leið en aldrei fyrr um að gera lítið úr konum. Eftir að hafa í áratugi tekið virkan þátt í jafnréttisbaráttunni og átt þar fjölda áhrifaríkra kvenna að samherjum og samstarfsmönnum er svona sending vissulega ný reynsla!“ Meira

„Lögmál útrásarinnar lifa enn góðu lífi“

12:50 Bæjarráð Grundarfjarðar segir það alvarlegt áfall að Landsbankinn hafi ákveðið að loka útibúi bankans á staðnum í ályktun sem samþykkt var samhljóða. Ákvörðunin sé ekki tekin vegna rekstrar útibúsins á Grundarfirði heldur vegna hagræðingar í heildarrekstri Landsbankans. Meira

65 brautskráðir á Sauðárkróki

10:42 Fjölbrautaskóla Norðurlands vestra var slitið í 33. sinn í gær við hátíðlega athöfn í íþróttahúsinu á Sauðárkróki. Samtals brautskráðust 65 nemendur að þessu sinni en 405 nemendur stunduðu nám við skólann á haustönn og 532 á vorönn. Meira

„Ég reyni að lifa lífinu til fulls“

13:40 Ótrúleg atburðarás réði því að Sigurbjörg Jóhanna Gísladóttir lifði af hjartastopp fyrir rúmu ári. Þá var hún einungis 17 ára. „Röð tilviljana réð því að ég lifði af þennan dag,“ segir hún meðal annars í viðtali í Sunnudagsmogganum. Meira

Par villtist á leiðinni í Þórsmörk

11:23 Björgunarsveitir á Suðurlandi voru kallaðar út í nótt til þess að leita að pari sem hafði verið á göngu yfir Fimmvörðuháls á leiðinni í Þórsmörk en villst af leið. Fólkið fannst síðan tveimur tímum eftir að leit að því hófst. Meira

„Þú ert númer 44 í röðinni“

10:14 Unnið er að viðgerðum á bilun sem varð í morgun á miðlægu netkerfi Símans en truflanir á netsambandi gætu verið til staðar næstu klukkutímana samkvæmt upplýsingum frá fyrirtækinu. Meira