mbl.is/Ómar

Hríð á flestum fjallvegum á Vestfjörðum og Norðurlandi.  Gera má ráð fyrir þéttri ofankomu og skafrenningi austanlands fram á nótt s.s. á Oddsskarði og Fjarðarheiði. Þetta kemur fram í tilkynningu frá Vegagerðinni.

Hálka er á Hellisheiði og hálkublettir í Þrengslum. Hálkublettir eru í uppsveitum Suðurlands.

Á Vesturlandi er hálka á Bröttubrekku og hálka og skafrenningur á Holtavörðuheiði. Hálkublettir eru einnig  á nokkrum leiðum.

Á Gemlufalls- og Steingrímsfjarðarheiði er hálka og skafrenningur og hálka á flestum öðrum leiðum á Vestfjörðum.

Skafrenningur á Öxnadalsheiði

Þæfingsfærð og skafrenningur er á Klettshálsi og snjóþekja og skafrenningur á Þröskuldum.

Norðvestanlands  er hálka  eða hálkublettir á flestum aðalleiðum en snjóþekja á nokkrum fáfarnari leiðum. Snjóþekja og skafrenningur er á Öxnadalsheiði. Norðaustanlands er hálka, skafrenningur og snjóþekja á vegum. Á Hólasandi er þæfingsfærð og skafrenningur.

Á Austurlandi er hálka og hálkublettir á flestum leiðum. Ófært er þó á Vatnsskarði eystra og skafrenningur á Fjarðarheiði. Á Suðausturlandi eru hálkublettir.