Einlægni er spennandi

Sunna Sigurðardóttir
Sunna Sigurðardóttir mbl.is/Kristinn Ingvarsson

Sunna Sigurðardóttir fékk draumaverkefnið þegar hún teiknaði myndasögur í verðlaunabók Guðrúnar Evu Mínervudóttur, Allt með kossi vekur. Hún vinnur nú að sinni fyrstu myndasögubók.

Sunna teiknaði alls þrjár myndasögur í bókina Allt með kossi vekur eftir Guðrúnu Evu Mínervudóttur, sem hreppti Íslensku bókmenntaverðlaunin 2011 í flokki fagurbókmennta. Mest áberandi er sagan sem byrjar bókina en myndasaga eftir Sunnu prýðir fyrstu fimmtíu síður bókarinnar eða svo. Myndasagan er áhrifamikil en hún hefst í árdaga ef svo má segja, í aldingarðinum með Adam og Evu.

En hver er uppruni teiknarans?

„Mér þykir leitt að segja það því það er hálfgerð klisja en ég var alltaf að teikna sem barn. Ég man ekki eftir mér öðruvísi,“ segir hún en ef til vill hefur það haft einhver áhrif að móðir hennar, Bryndís Kondrup, er myndlistarkona.

„Ég var alltaf meðvituð um að það væri ekkert of sniðugt að herma eftir og fannst skemmtilegra að reyna að finna uppá einhverju sjálf. Mér fannst gaman að búa til sögur, þetta var alltaf frásagnartengt hjá mér. Ég ætla samt ekkert að blása þetta upp, ég var bara krakki sem fannst gaman að teikna.“

Sunna segist aldrei hafa ætlað sér að verða listakona þegar hún var yngri. „Ég sá það aldrei í hillingum heldur ætlaði ég alltaf að verða eitthvað „lógískt“. Ég var á sálfræðibraut og hafði áhuga á manneskjustúdíum. Svo áttaði ég mig á því að þetta væri stór heimur og það væri mögulega hægt að vinna við þetta. Þá fór ég að skoða hvort maður passaði einhvers staðar inn.“

Það tók Sunnu samt tíma að finna hvar hún passaði inn. Hún fór fyrst í MH en skipti síðan yfir í FB út af listabrautinni. Eftir stúdent fór hún að velta fyrir sér bæði myndlist og hönnun. „Ég fór í listaskóla í Hollandi og var þar í fjögur ár,“ segir hún en skólinn heitir AKI og er í Enschede.

Fékk verðlaun fyrir stól

„Ég valdi mér opna myndlistarbraut og fékk að leita og prófa ýmislegt. Þetta átti ótrúlega vel við mig. Ég tók líka hönnunaráfanga í náminu og vann meira að segja verðlaun fyrir stól. Myndlistin mín færðist alltaf meira og meira í teikningu. Ég var alltaf mest að teikna, þó ég hafi gert stærri myndir og málverk voru þau alltaf í þessum teiknifrásagnarstíl.“

Skólinn byggðist mikið á einstaklingsfrumkvæði og segir Sunna að sér hafi fundist gott að prófa sig áfram en að námi loknu vildi hún fá meiri leiðsögn.

„Eftir þetta sótti ég um í allt öðruvísi skóla. Ég fór til Kanada, komst inn í skóla sem heitir Concordia og er í Montréal,“ segir Sunna sem lagði þar stund á nám í grafískri hönnun.

„Það var í rauninni til að finna teikningunni einhvern stað. Ég tók líka kúrsa í prentverki og bókagerð. Þetta er mjög góður skóli og þarna fékk ég þennan stífa ramma sem mig vantaði. Þetta var hollt og gott og einmitt það sem ég þurfti,“ útskýrir hún.

„Ég áttaði mig á því að ég var ekki að fara að einbeita mér að galleríum. Ég er hrifnari af hugmyndum um fjölföldun, að dreifa verkinu svo margir geti notið þess. Og um leið þurfa ekki að vera andlitið á bakvið verkið, einhver spennandi listatýpa, ég var ekki að upplifa mig þannig. Mér fannst það þægileg tilhugsun að gefa frá mér verk sem geta bara staðið fyrir sínu.“

Sunna lærði að binda inn bækur og dregur fram margar forvitnilegar bækur sem hún gerði á námstímanum í Kanada. Þar af er ein sérstaklega skemmtileg sem er úr tré og í lögun eins og mannshöfuð. Bækurnar eiga það sammerkt að bera einkenni góðs handverks fremur en tölvuvæðingar.

Reynir að gera allt í höndunum

„Ég fæ ekki neitt kikk út úr því að setja upp hlutina. Ég er ekki það tölvuvædd. Ég er dálítið gamaldags þrjósk með það, að ég vil ekki nota tölvur of mikið. Ég teikna allt í höndunum og reyni að gera allt í höndunum. Ég nota ljósaborð í staðinn fyrir að ljósrita, tölvan er alveg síðasta stoppið. Ég er alveg hörð á þessu. Ég vil bara nota hendurnar á mér. Ég trúi því að það sjáist, það er einhver tilfinning sem fylgir því að gera hluti í höndunum sem er ekki eins í tölvunni.“

Eru ekki möguleikar í svona sérstökum bókum núna mitt í tölvuvæðingunni?

„Ég held að það sé í gangi upprisa handverksins almennt. Það er að mörgu leyti skiljanlegt og rökrétt svar við tölvuvæðingunni.“

Sunna var mjög ánægð með skólann í Kanada en neyddist til að hætta eftir nám í einn og hálfan vetur vegna hrunsins en eins og allir vita jukust útgjöld námsmanna í útlöndum um helming á einu bretti.

„Svona er þetta bara. Það var erfitt að koma heim, ég vissi ekki alveg hvað ég ætti að gera. Eftir á að hyggja vil ég meina að þetta hafi verið lán í óláni því eftir dálítinn tíma hérna heima þá bauðst mér þetta tækifæri með bókina hennar Guðrúnar Evu. Það hefði kannski ekki gerst ef ég hefði ekki þurft að koma heim.“

Hún segir myndasögugerðina í Allt með kossi vekur hafa í raun verið „algjört draumaverkefni“.

„Guðrún Eva hafði heyrt um mig og hringdi einn góðan veðurdag og útskýrði að hún væri að leita að teiknara og hvort ég hefði áhuga. Hún var með nokkra teiknara í sigtinu sem fólk hafði verið að benda henni á í tengslum við þetta verkefni. Ég bauð henni bara hingað yfir í kaffi og kökur,“ segir Sunna en henni fannst verkefnið strax hljóma spennandi.

„Ég stóð eftir þetta símtal og hugsaði, vá, hvað þetta hljómar djúsí! Þetta er nákvæmlega það sem mig langar að gera,“ segir Sunna sem hafði lesið bækur Guðrúnar Evu og verið hrifin af þeim.

„Ég hafði ekki tíma til að vera stressuð áður en hún kom. Ég reif fram allar skissubækurnar mínar. Ég var ekkert að ritskoða þær heldur hugsaði, ef hún vill fá mig í þetta verkefni á það að vera byggt á algjörri einlægni. Þetta bara tókst svona vel og við fundum strax að við gátum talað rosalega vel saman. Textinn og hugmyndin í kringum bókina eru frekar flókin. Þetta var svolítið stór biti, nokkuð sem maður þarf að geta lesið úr og skilið á ýmsa vegu. Þetta verkefni krafðist þess strax að það væru góð samskipti og góð tenging okkar á milli.“

Gamli sálfræðiáhuginn fléttast inn í margt sem hún er að gera núna. „Margt í þessu er dálítið samfélagslegt, með vísun í manneskjulegu hliðina, vísun í samfélagsleg gildi og pælingar. Hvað er eðli og hvað er lært? Er raunverulega til eitthvað sem er gott eða illt?“

Hægt að gefa svo margt til kynna

Við lestur myndasagnanna í bókinni er gaman að velta fyrir sér hvernig orð og texti kallast á og hvað það er hægt að segja mikið með mynd.

„Maður getur verið svo lúmskur með myndirnar og ég meina það á góðan hátt! Það er hægt að gefa svo margt til kynna. Þú ert ekki að mata fólk á einu eða neinu. Þeir sem vilja geta fundið ýmislegt, allskonar litlar pælingar. Það er gaman að vinna myndir með texta því í raun á myndin ekki endilega að endurspegla það sem textinn er að segja heldur gefa þér meiri dýpt. Þetta er dálítið viðkvæmt samspil en mjög spennandi.“

Myndasögur fyrir fullorðna eru nokkuð sem Sunna hefur mikinn áhuga á. „Þetta eru engar barnasögur heldur verið að taka fyrir þung málefni með heimspekipælingum. Þetta var mikil vinna. Það liggur mikil vinna á bak við myndskreytingar og myndasögur almennt. Fólk gerir sér oft ekki grein fyrir því. Maður þarf að kynna sér efnið vel. Maður þarf að vita nákvæmlega hvað maður er að fara að segja og ákveða hvernig maður ætlar að tjá það og hvað maður ætlar að gefa í skyn. Það þarf að stúdera efnið mikið fyrirfram.“

Ítarlegt viðtal er við Sunnu í Sunnudagsmogganum.

Innlent »

Þreföldun íbúða í nýrri Vogabyggð

18:50 Fjölga á íbúðum á aðalskipulagi í Vogabygg í Reykjavík úr 400 í 1.300 samkvæmt nýrri auglýsingu Reykjavíkurborgar. Gert er ráð fyrir að breytingum á húsa- og gatnafyrirkomulagi. Reisa á skóla, göngubrú, nýtt torg og hafa um fjórðung íbúða leigu­íbúðir, stúd­enta- og bú­setu­rétta­r­í­búðir. Meira »

Viðbúnaður vegna neyðarboða frá flugvél

18:47 Mikill viðbúnaður var virkjaður í dag þegar stjórnstöð Landhelgisgæslunnar hóf að berast neyðarboð frá íslenskri flugvél yfir landinu. Samhæfingarstöðin í Skógarhlíð var virkjuð, björgunarsveitir kallaðar út og sömuleiðis áhafnir TF-SYN og TF-SIF. Meira »

Annasamur sunnudagur lögreglu

17:43 Þrír menn í annarlegu ástandi komu við sögu hjá lögreglunni á höfuðborgarsvæðinu í dag, en um var að ræða þrjú aðskilin tilvik. Meira »

Reyndu að lauma sér um borð

17:32 Tveir erlendir menn, sagðir 16 og 17 ára, voru handteknir við Skarfabakka um kl. 12 í dag þar sem þeir voru að reyna að komast um borð í erlent skemmtiferðaskip. Drengirnir voru komnir inn á lokað svæði við skipið og voru að reyna að komast um borð þegar þeir náðust. Meira »

Styrkur vegna bragga nemur 41 milljón

16:47 Kostnaður Reykjavíkurborgar vegna uppbyggingar á bragga í Nauthólsvík, sem er í eigu borgarinnar, og að leigja hann út næstu 10 árin til HR nemur núvirt 41 milljón. Horft er á slíkan kostnað sem styrk til skólans í tengslum við samvinnu borgarinnar og HR um eflingu þekkingarþorps í Vatnsmýri. Meira »

Áfram milt veður næstu daga

16:40 Veðurstofa Íslands spáir hægri norðlægri eða breytilegri átt og dálítilli rigningu austanlands en annars skýjuðu með köflum og stöku skúrum. Vestlægri á morgun og dálítilli vætu norðvestan til en léttir til fyrir austan. Vaxandi austanátt og fer að rigna syðst á landinu annað kvöld. Hiti 6-15 stig, hlýjast syðst en hlýnar fyrir norðan og austan á morgun. Meira »

Ráðherra í rjómatertukasti

15:39 Rjómatertukast milli fulltrúa stjórnmálaflokkanna var meðal nýrra dagskrárliða á Kjötsúpuhátíðinni á Hvolsvelli sem fram fór um helgina. Metfjöldi sótti hátíðina í ár en fjöldi afgreiddra kjötsúpuskammta er jafnan notaður sem mælikvarði á stærð hátíðarinnar. Meira »

Gæslan sótti veikan á Snæfellsnes

15:46 Um kl. 14 í dag barst stjórnstöð Landhelgisgæslunnar beiðni um þyrlu vegna veiks einstaklings á utanverðu Snæfellsnesi. Þyrla Gæslunnar, TF-SYN, fór í loftið skömmu seinna og sótti sjúklinginn. Lenti þyrlan með sjúklinginn við Landspítala – háskólasjúkrahús um kl. 15.30. Meira »

„Fimleikar eru líf mitt“

15:00 Irina Sazonova er fyrsta konan til að keppa í fimleikum á Ólympíuleikum fyrir Íslands hönd. Hún er frá Rússlandi en flutti til Íslands árið 2013 og er nú íslenskur ríkisborgari og Íslandsmeistari í fimleikum. Irina þjálfar ungar stúlkur hjá Ármanni og æfir sjálf marga klukkutíma á dag. Meira »

„Leið eins ég væri í rústabjörgun“

14:00 „Á fyrstu dögunum mínum í ráðuneytinu leið mér eins og ég væri í rústabjörgun,“ sagði Kristján Þór Júlíusson heilbrigðisráðherra í umræðuþættinum Sprengisandi hjá Heimi Karlssyni á Bylgjunni í morgun. Meira »

„Fólki blöskrar þessar bónusgreiðslur“

13:40 „Fólki blöskrar svolítið þessar bónusgreiðslur,“ segir yfirlæknir Barnaspítalans en hann hefur gagnrýnt bónusgreiðslur til hóps starfsmanna hjá eign­ar­halds­fé­lagi Kaupþings. Meira »

Staða fjölmiðla áhyggjuefni

13:29 „Ég get tekið undir með þeim sem hafa áhyggjur af stöðu fjölmiðla,“ sagði Katrín Jakobsdóttir, þingmaður Vinstri grænna, í umræðuþættinum Sprengisandi á Bylgjunni í morgun. Þar var rekstrarumhverfi fjölmiðla og staða Ríkisútvarpsins á auglýsingamarkaði rætt. Meira »

Segir Gústaf Níelsson vera ný-rasista

12:34 „Gústaf er ekki fórnarlamb í þessu máli. Fórnarlömbin eru börn múslima hér á Íslandi sem þurfa að lifa við þennan viðbjóðslega málflutning dag eftir dag,“ sagði Gunnar Waage, ritstjóri Sandkassans, í umræðuþættinum Sprengisandi á Bylgunni í morgun. Meira »

Þorgerður Katrín ekki tekið ákvörðun

11:17 Þorgerður Katrín Gunnarsdóttir, fyrr­ver­andi mennta­málaráðherra og þingmaður Sjálf­stæðis­flokks­ins, segist ekki hafa tekið neina ákvörðun um að gefa kost á sér fyrir Viðreisn í komandi kosningum. Meira »

Telja bónusgreiðslur óásættanlegar

09:14 Fyrirhugaðar greiðslur Kaupþings á gríðarháum bónusum til nokkurra starfsmanna eru óásættanlegar og eiga ekki við í íslensku samfélagi að mati BSRB. Bandalagið skorar á Alþingi að tryggja að skattaumhverfi hér á landi sé þannig að þeir sem hafa háar tekjur greiði ríflega til samfélagsins. Meira »

Greta Salóme bæjarlistamaður Mosfellsbæjar

11:55 Menningarmálanefnd Mosfellsbæjar hefur útnefnt Gretu Salóme Stefánsdóttur tónlistarkonu bæjarlistamann Mosfellsbæjar 2016. Viðurkenningin verður afhent við hátíðlega athöfn í Hlégarði í dag klukkan 14. Meira »

Líf og fjör á Seltjarnarnesi

11:00 Mikið var um gleði á Seltjarnarnesi um helgina þar sem bæjarhátíð Seltjarnarness fór fram. Hátíðin hefur nú verið haldin nokkur ár í röð en var hátíðin í ár sú umfangsmesta til þessa þar sem fjölbreytt dagskrá var á boðstólum. Meira »

Einstök reynsla og mjög jákvæð

09:00 Dawid og Agnieszka Dawbrowski komu til Íslands í október 2006 eins og fjölmargir aðrir Pólverjar á þeim tíma. Erindið var að sjálfsögðu að vinna hérlendis, en þau vissu ekki margt um landið áður en þau komu annað en að hér væri kalt. Meira »
Nýskoðaður Gullmoli - Toyota Yaris
Til sölu glæsilegt eintak af Toyota Yaris sem eyðir ekki nema 6 lítrum á hundrað...
Tölvuþjónusta
Alhliða tölvuviðgerð, vírushreinsun, vírusvarnir, gagnabjörgun og verðtilboð. F...
 
Framhald uppboðs
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristniboðs- salnum. M...
Félagsstarf
Staður og stund
Árskógar 4 Smíðar/útskurður m/ leiðb. kl...
Framhald
Nauðungarsala
Uppboð Einnig birt á www.naudungarsolu...