Biðja fólk að huga að híbýlum

Almannavarnir beina þeim tilmælum til fólks á jarðskjálftasvæðum að það hugi vel að híbýlum sínum, hillum, húsgögnum, málverkum og myndum og öðru lauslegu, þannig að ekki skapist hætta í jarðskjálftum.

Undanfarna daga hafa jarðskjálftar orðið bæði á Suðvesturlandi og fyrir norðan. Nokkrir jarðskjálftar urðu í grennd við höfuðborgarsvæðið við Helgafell rétt ofan við Hafnarfjörð aðfaranótt 1. mars.

Var stærsti jarðskjálftinn af stærðinni 3,6 og nokkrir á bilinu 2,8, 2,4 og 2,3. Skjálftarnir fundust víða á suðvesturhorninu og var mörgum brugðið enda var jarðskjálftinn mjög nálægt þéttbýli, að því er segir á vef Almannavarna.

Þá urðu tveir jarðskjálftar fyrir norðan um svipað leyti af stærðinni 2,3 og annar 3,3, sá fyrri austanvert við Þeistareyki og sá síðari norðvestur af Gjögurtá.

• 2 blogg um fréttina

Bloggað um fréttina

• Axel Þór Kolbeinsson: Bið fólk að athuga hvar það býr
• Haraldur Haraldsson: Biðja fólk að huga að híbýlum///Allir eiga að að skoða …