Annað kvöld hefst nýr kafli í markaðsátakinu Inspired by Iceland þegar sex útlendingum verður boðið í mat í sérsmíðuðu eldhúsi sem hefur verið komið fyrir á pramma á Reykjavíkurtjörn.
Næstu tvær vikurnar verður síðan farið með þetta fulla hús matar um landið þar sem útlendingum gefst kostur á að borða íslenskan mat og njóta útsýnisins, íslenskrar náttúru, um leið út um eldhúsgluggann, eins og á íslensku heimili.