Dómari sagði sig frá Icesave
Per Christiansen.
Setja bókamerki
Einn þriggja dómara við EFTA-dómstólinn óskaði eftir því í desember síðastliðnum að víkja sæti í umfjöllun dómsins um Icesave-málið vegna vanhæfni samkvæmt upplýsingum frá dómstólnum.
Dómarinn, Per Christiansen, tók sæti í EFTA-dómstólnum í byrjun árs 2011 en áður hafði hann gegnt stöðu lagaprófessors við háskólann í Tromsø í Noregi. Sem lagaprófessor hafði hann tjáð sig í fjölmiðlum um Icesave-málið.
Á heimasíðu EFTA-dómstólsins er tilkynning Christiansens tímasett 21. desember síðastliðinn. Í stað hans mun varadómari af hálfu Norðmanna dæma í málinu. Vakin var athygli á mögulegri vanhæfni Christiansens til þess að dæma í Icesave-málinu í frétt í Morgunblaðinu 22. júní á síðasta ári og síðan aftur 14. desember síðastliðinn.
Handteknir eftir myndatöku í Vesturbæjarlaug
Vélsleðaslys: Þyrlan kölluð út á mesta forgangi
„Hvílir mikil leynd yfir þessu öllu“
Shakespeare fannst í skókassa
Tveir í bílnum sem lenti utan vegar
Verðbólgan komin niður í 6%
Eyjafjarðarbraut lokað vegna alvarlegs umferðarslyss
„Skýr skilaboð til Seðlabankans“