Með hasskökur og pípu

Tollgæslan stöðvaði erlendan ferðamann við hefðbundið eftirlit í Flugstöð Leifs Eiríkssonar á fimmta tímanum í gær. Fíkniefnahundurinn Nelson hafði merkt manninn og við leit á honum fundust rúmlega þrjú grömm af meintu kannabisefni í sýnapoka. Þá reyndist hann vera með hasspípu í fórum sínum, tvær hasskökur og lítinn poka með ætluðum kannabisfræjum. Lögreglan á Suðurnesjum ræddi við manninn sem var að koma frá Amsterdam.

Honum var gert að greiða tæplega 40 þúsund krónur í sekt fyrir kannabisefnið en lagt var hald á hasspípuna, kökurnar og fræin og afsalaði hann sér því til eyðingar. Að því búnu hélt ferðalangurinn sína leið.

• Blogga um frétt