Öryggisgæsla ráðherra ákveðin af lögregluyfirvöldum

„Ég hef ekki hugmynd um það. Þetta er eitthvað sem ríkislögreglustjóri og lögregluyfirvöld hafa ákveðið.“

Þetta sagði Jóhanna Sigurðardóttir forsætisráðherra að loknum ríkisstjórnarfundi í gær, spurð um ástæður þess að tveir ráðherrar í ríkisstjórn hennar, þeir Ögmundur Jónasson og Steingrímur J. Sigfússon, njóti nú verndar öryggisvarða.

Jóhanna segist ekki vilja leggja dóm á það sem lögregluyfirvöld ákveða í þessum efnum. Hún sagðist ekki vita hvort ráðherrunum hefðu borist hótanir.

Í Morgunblaðinu í gær kom fram að heimili ráðherranna séu vöktuð, en einnig fylgja öryggisverðir þeim við hvert fótmál.