Fréttaskýring: Verður þjóðaratkvæði í sumar?

stækka

mbl.is/Ómar Óskarsson

Óvíst er hvort þjóðaratkvæði fari fram um tillögu stjórnlagaráðs að nýrri stjórnarskrá næsta sumar en stefnt er að því að kosið verði um hana samhliða forsetakosningum sem fyrirhugaðar eru 30. júní næstkomandi. Ljóst er að takmarkaður tími er til stefnu í þeim efnum og svo kann hæglega að fara að það markmið stjórnvalda náist ekki.

Meirihluti stjórnskipunar- og eftirlitsnefndar Alþingis lagði fram þingsályktunartillögu þess efnis að þjóðaratkvæði um tillögu stjórnlagaráðs færi fram samhliða forsetakosningunum 20. mars síðastliðinn og var henni dreift sama dag á meðal þingmanna. Var stefnt að því að tillagan yrði tekin til umræðu í þinginu daginn eftir.

Til þess þurfti hins vegar að fá samþykkt afbrigði frá þingsköpum en samkvæmt þeim má ekki taka þingsályktunartillögu til umræðu í þinginu nema liðnar séu að lágmarki tvær nætur frá því að henni var dreift.

mbl.is/Hjörtur

Afbrigði fengust ekki samþykkt en til þess þurfti atkvæði 2/3 þingmanna. Fyrir vikið verður þingsályktunartillagan líklega ekki tekin til umræðu fyrr en næstkomandi þriðjudag þegar næsti þingfundur fer fram samkvæmt dagskrá.

Varaáætlun undirbúin

Til þess að hægt verði að halda þjóðaratkvæðið samhliða forsetakosningunum þarf að ljúka afgreiðslu þingsályktunartillögunnar fyrir næsta föstudag 30. mars en samkvæmt lögum um þjóðaratkvæði verður að samþykkja að mál fari í þjóðaratkvæðagreiðslu þremur mánuðum áður en þjóðaratkvæðið fer fram.

Ríkisstjórnin hefur því næstu viku til þess að koma þingsályktuninni í gegnum Alþingi ef hægt á að vera að halda þjóðararkvæðið samhliða forsetakosningunum.

mbl.is/Ómar Óskarsson

Til vara mun stjórnarmeirihlutinn vera að skoða þann möguleika að koma frumvarpi að breytingum á lögum um þjóðaratkvæði í gegn sem Vigdís Hauksdóttir, þingmaður Framsóknarflokksins, flutti síðastliðið haust.

Frumvarp Vigdísar kveður á um að hægt verði að boða til þjóðaratkvæðis með skemmri fyrirvara en þremur mánuðum ef almennar kosningar fara fram innan þess tímaramma en hún flutti frumvarpið upphaflega í tengslum við mögulegt þjóðaratkvæði um það hvort halda ætti áfram með umsóknina um inngöngu í Evrópusambandið sem hún hefur meðal annarra kallað eftir.

Verða forsetakosningar?

Haft hefur verið eftir Jóhönnu Sigurðardóttur forsætisráðherra í fjölmiðlum að ef ekki takist að halda þjóðaratkvæði um tillögu stjórnlagaráðs samhliða forsetakosningunum í sumar sé sá möguleiki fyrir hendi að því verði frestað fram á næsta haust en báðar hugmyndir hafa verið harðlega gagnrýndar af þingmönnum í stjórnarandstöðunni og þá einkum fyrir það að leggja eigi í dóm þjóðarinnar tillögu sem ekki verði þá orðin endanlega frágengin.

Takist hins vegar ekki að afgreiða þingsályktunartillögu meirihluta stjórnskipunar- og eftirlitsnefndar Alþingis tímanlega í næstu viku og heldur ekki frumvarp Vigdísar Hauksdóttur er ljóst að ekkert verður af þjóðaratkvæðinu samhliða forsetakosningunum. Ef það hins vegar tekst einungis að koma frumvarpi Vigdísar í gegn getur farið svo að ekki verði ljóst fyrr en í lok maí hvort af þjóðaratkvæðinu verði samhliða forsetakosningunum.

Helgast það af því að frumvarp Vigdísar gerir ráð fyrir því að almennar kosningar þurfi að fara fram í millitíðinni til þess að falla megi frá þeim þriggja mánaða fyrirvara sem annars þarf að vera til staðar frá því að mál er sett í þjóðaratkvæði og þjóðaratkvæðið fer fram. Það þarf fyrst að liggja fyrir hvort forsetakosningar fari fram í sumar eða ekki.

Ekki ljóst fyrr en í lok maí?

Frambjóðendur í forsetakosningunum hafa frest til þess að skila nægjanlegum fjölda meðmælenda þar til fimm vikum fyrir fyrirhugað forsetakjör. Samtals þurfa þeir að safna minnst 1.500 meðmælendum en mest þrjú þúsund og þurfa ákveðið margir að koma úr öllum fjórðungum landsins miðað út frá íbúafjölda þeirra.

Því kann sú staða að koma upp að ekki verði ljóst fyrr en í lok maí næstkomandi eins og áður segir hvort forsetakosningar fari fram allt eftir því hvernig frambjóðendum gengur að safna meðmælendum og fyrir liggur hvort fleiri en einn verði endanlega í framboði. Þetta gæti þó skýrst fyrr ef frambjóðendum gengur vel að safna meðmælendum.

Enn sem komið er hafa þrír lýst yfir framboði til forsetaembættisins, Ólafur Ragnar Grímsson sitjandi forseti, Jón Lárusson lögreglumaður og Ástþór Magnússon. Ýmsir fleiri munu þó vera að íhuga stöðu sína. Hvernig málin annars þróast með fyrirhugað þjóðaratkvæði um tillögu stjórnlagaráðs skýrist væntanlega að miklu leyti í næstu viku.

  • Til baka
  • Blogga um frétt
  • Senda

Innlent »

Loka vegum að Dettifossi

15:07 Búið er að loka vegum að Dettifossi og lögreglumenn eru að rýma Jökulsárgljúfur báðum megin við ána. Að svo stöddu er ekki talin ástæða til að rýma íbúa- og frístundabyggð í Kelduhverfi, Öxarfirði og Núpasveit. Fólk á þessu svæði er hvatt til að fylgjast grannt með fréttum. Meira »

Heyra illa í útvarpinu

14:39 Ævar Ísak Sigurgeirsson, verslunarmaður í Ásbyrgi, segir að fólki á svæðinu sé léttir af því að heyra að gosið sé í Dyngjujökli en ekki í Bárðarbungu. Það þýði að flóð í Jökulsá á Fjöllum verði vonandi minna en það hefði annars orðið. Meira »

Eruption under Dyngjujökull

14:20 A small lava-eruption has been detected under the Dyngjujökull glacier. The Icelandic Coast Guard airplane TF-SIF is flying over the area with representatives from the Civil Protection and experts from the Icelandic Met Offic and the Institute of Earth Sciences. Meira »

Gos hafið undir Dyngjujökli

14:15 Vísindamenn Veðurstofu Íslands telja að lítið eldgos sé hafið undir sporði Dyngjujökuls. Þar sem atburður er hafinn hefur Ríkislögreglustjóri ákveðið að færa hættustig upp á neyðarstig og Veðurstofa Íslands hefur fært litakóða vegna flugs upp á rautt, sem þýðir að flug er nú bannað yfir svæðinu. Meira »

Þung umferð um miðborgina

14:07 Umferð til og frá bílastæðum vestan við hátíðasvæðið, s.s. við Háskóla Íslands og vestar, er orðin mjög þung auk þess sem bílastæði eru að fyllast. Þeir sem vilja leggja hratt og örugglega geta lagt á svæði við Borgartún og Kirkjusand, en þaðan ganga skutlur á vegum Strætó sem ferjar fólk inn í miðborg. Meira »

Lentu skammt frá Bárðarbungu

13:07 Þyrla Landhelgisgæslunnar lenti í hádeginu á Hamrinum í Vatnajökli, en hann er um 10 km vestan við Bárðarbungu. Sigurður Ásgeirsson flugstjóri segir að enga breytingu sé að sjá á jöklinum en menn séu viðbúnir því að eitthvað gerist. Meira »

„Eins og tappi hafi losnað“

14:11 „Berggangurinn tók á rás í morgun. Hann hefur verið stíflaður í sólarhring eða meira. Um kl. 10 í morgun var eins og tapi hafi losnað og gangurinn tók á rás og lengdist um eina 10 kílómetra á skömmum tíma,“ sagði Páll Einarsson jarðeðlisfræðingur. Meira »

Sarah Brown og Michael Pelletier fljótust

13:32 Sigurvegari í maraþoni karla í Reykjavíkurmaraþoni 2014 er Matthew Pelletier frá Bandaríkjunum. Sarah Brown var fyrst kvenna í mark. Meira »

Seismic activity increasing in Bárðarbunga

12:53 During the last 6 hours the dyke has propagated ~5 km to the north. The rate of earthquakes has increased such that they are happening so quickly that it is difficult for the seismologist to discern individual events. Observed high frequency tremor is interpreted to be caused by the propagation of the dyke. Meira »

Búa sig undir eldgos

12:48 Flugvél sem flaug yfir Bárðarbungu rétt um kl. 12 sá engin merki um gos í jöklinum. Mikil skjálftavirkni hefur verið við Bárðarbungu síðustu klukkutíma og segir Melissa Anne Pfeffer, sérfræðingur á sviði ösku- og efnadreifingar, að berggangurinn undir jöklinum hafi lengst til norðurs. Meira »

Fljúga yfir Bárðarbungu

12:21 Ákveðið hefur verið að senda flugvél Landhelgisgæslunnar, TF-SIF, á loft til að skoða þau umbrot sem eiga sér stað við Bárðarbungu úr lofti. Vísindamenn eru með í för. Meira »

Fyrstu hlaupararnir komnir í mark

12:10 Ingvar Hjartarson og Arndís Ýr Hafþórsdóttir sigruðu í 10 km hlaupinu í Reykjavíkurmaraþoni Íslandsbanka 2014.  Meira »

Skyndileg aukning á skjálftavirkni

12:07 Skjálftavirkni í kringum Bárðarbungu hefur aukist töluvert nú rétt fyrir hádegi. TF-SIF hefur verið sett í viðbragðsstöðu sem er hluti af eðlilegu ferli við þessar aðstæður. Meira »

Hreindýraveiðar fara hægt af stað

11:13 Hreindýraveiðar hafa farið mjög hægt af stað í ár. Fyrir helgi höfðu innan við 400 dýr veiðst af 1277 dýra kvóta. Veður hefur verið nokkuð gott á veiðisvæðum undanfarna daga en afar fáir veiðimenn að veiðum. Meira »

Aldrei fleiri lokanir á Menningarnótt

10:46 Nánast allur miðbærinn er lokaður fyrir bílaumferð. Öryggi borgarbúa er í fyrirrúmi. Frítt er í strætó á Menningarnótt.  Meira »

Hlýtt á Menningarnótt

11:28 Útlit er fyrir að veður verði þokkalegt þegar flugeldarnir fara á loft á Menningarnótt ó kvöld. Spáð er hægum vindi, á bilinu 3 til 6 metrar á sekúndu, og allt að 10 gráðu hita. Meira »

25 km berggangur undir Dyngjujökli

10:52 Um 25 km langur berggangur hefur myndast undir Dyngjujökli. Gangurinn hefur lítið lengst en kvikuflæði er eftir ganginum og merki eru um að hann sé að greinast í norð-austur endanum. Meira »

Hlaupararnir lagðir af stað

09:31 Fyrstu þátttakendur í Reykjavíkurmaraþoni 2014 fóru af stað úr Lækjargötu kl. 8:40. Það voru hlauparar í maraþoni, hálfu maraþoni og boðhlaupi sem voru ræstir fyrstir, samtals um 3.500 manns. Meira »
GORMUN OG KJÖLLÍMING
Samskipti - prentlausnir fyrir skapandi fólk...
MÓÐUHREINSUN GLERJA
Móðuhreinsun glerja: Er komin móða eða raki á milli glerja? Móðuhreinsun ÓÞ. Sím...
Íbúð óskast
Reglusamur námsmaður við Háskóla Íslands óskar efitr 4 herbergja íbúð til leigu ...
STIMPLAR
Samskipti - prentlausnir fyrir skapandi fólk...
 
Lagerhúsnæði óskast til leigu
Atvinnuhúsnæði
Lagerhúsnæði óskast til leigu Parketve...
Sérfræðingur
Sérfræðistörf
Landssamtök lífeyrissjóða óska eftir s...
Útboð 13303
Tilboð - útboð
ÚTBOÐ Reykja vík ur borg Innkaupadei...
On útboð heillisheiðarvirkjun
Tilboð - útboð
...