Innlent | mbl | 17.4.2012 | 13:51

Neytendur eiga betri rétt að sækja

heimilin.is

Í nýrri álitsgerð sem Hagsmunasamtök heimilanna létu vinna um dóm Hæstaréttar um lögmæti gengistryggðra lána er komist að þeirri niðurstöðu að margvísleg rök hnígi til þess að neytendur eigi enn betri rétt að sækja.

Hagsmunasamtök heimilanna létu vinna lögfræðiálit vegna dóms Hæstaréttar í máli 600/2011 þar sem því var hafnað af Hæstarétti að endurreikna megi vexti af áður gengistryggðu láni aftur í tímann. Brýnt þótti að láta gera slíkt álít eftir að Samtök fjármálafyrirtækja fengu lögmannsstofuna LEX til að vinna álitsgerð um dóminn „út frá forsendum sem voru að margra mati þröngt skilgreindar til að þjóna hagsmunum fjármálafyrirtækja,“ eins og segir í fréttatilkynningu frá samtökunum.

Álitsgerð snýr bæði að túlkun á dómnum sjálfum og álitaefnum sem snúa að neytendavernd, þar sem m.a. er litið til þeirra tilskipana Evrópuráðsins sem innleiddar hafa verið í íslensk lög og lúta að rétti neytenda. Tilgangurinn er sá að álitsgerðin verði gagnlegt innlegg í vinnu samráðshóps fjármálafyrirtækja um úrlausn álitamála vegna gengistryggðra lána, sem Samkeppniseftirlitið féllst á yrði stofnaður með aðkomu fulltrúa neytenda og stjórnvalda.

Meginsjónarmið sem álitsgerðin styður eru eftirfarandi.
● Álit LEX túlkar fordæmisgildi dóms 600/2011 þröngt
● Álit LEX lýtur fyrst og fremst að þeim spurningum sem til LEX var beint af hálfu SFF
● Dómurinn felur ekki í sér endanlegan úrskurð um rétt neytenda
● Hvenær lán er í skilum er auðveldara að túlka vítt í ljósi atvika heldur en þröngt
● Inneign lántaka vegna ofgreiðslna skal skuldajafna við reiknaðar eftirstöðvar hafi
hann lent í vanskilum einhverntíma á lánstímanum
● Engin stoð er fyrir höfuðstólsfærslu vaxta eins og við fyrri endurútreikninga
● Líta verður svo á að neytendur hafi almennt verið í góðri trú í viðskiptum
● Margvísleg rök hníga til þess að neytendur eigi enn betri rétt að sækja
● Neytendur eiga rétt á að samningsvextir gildi skv. 36. gr. c samningalaga
● Að öðrum kosti er vandséð nema reyna myndi á 14. gr. neytendalánalaga
● Dómafordæmi skv. evrópskum tilskipunum eru afdráttarlítið neytendum í vil
● Lántökukostnað sem ekki er kveðið skýrt á um í samningi, má aldrei innheimta
● Enn hefur ekki reynt verulega á neytendarétt lántakenda fyrir íslenskum dómstólum

Innlent »

Fjölgun í Landnámsdýragarinum

13:31 Geiturnar Herkules og Freyja eignuðust tvíburakiðlinga í Landnámsdýragarðinum í Reykjanesbæ í gær um hádegisbil. Fengu kiðlingarnir nöfnin Magni og Móði. Meira

Vélarvana báti komið til aðstoðar

13:25 Rétt fyrir klukkan eitt í dag var björgunarbáturinn Þórður Kristjánsson kallaður út frá Reykjavík til aðstoðar bát sem er vélarvana innst í Hvalfirði. Bátnum tókst að koma út rekakkeri svo enginn hætta er á ferðum. Meira

Fyrsti ríkisstjórnarfundurinn

Ný ríkisstjórn kom saman á fundi í Stjórnarráðinu í dag

13:24 Fyrsti fundur nýrrar ríkisstjórnar Íslands hófst klukkan 13 í Stjórnarráðinu en ráðherrar tóku við lyklum ráðuneyta síðdegis í gær og í morgun. Meira

2½ tíma seinkun vélar Icelandair

13:18 Vél Icelandair frá Keflavíkurflugvelli til Heathrow varð fyrir 2½ tíma seinkun í morgun vegna lokunar flugvallarins í London. Vél þurfti að nauðlenda á Heathrow og var öllu flugi aflýst í um tvær klukkustundir. Meira

Jafnréttismál á réttri leið en þó má bæta um betur

Í skýrslunni er m.a. fjallað um hversu áhrifamikil íslenska kvennahreyfingin hefur verið í áratugi.

13:06 Ríkisstjórn Jóhönnu Sigurðardóttur kom á ýmsum bótum í jafnréttismálum á kjörtímabili sínu, m.a. kynjaðri hagstjórn og kynjakvótum í stjórnum fyrirtækja. En þó að reglur og lög séu til staðar er ekki þar með sagt að jafnrétti sé meðal borgaranna í raun. Nefnd á vegum Sameinuðu þjóðanna hvetur nýja ríkisstjórn til að halda áfram á þeirri braut sem mörkuð hefur verið á undanförnum árum og ljúka þeirri vinnu sem þegar er hafin á sviði jafnréttismála. Meira

Friðun Fríkirkjuvegar á byrjunarreit

Húsið reisti athafnamaðurinn Thor Jensen á árunum 1907-1908 og var það á sínum tíma glæsilegasta ...

13:00 Ákvörðun um friðun á innra byrði Fríkirkjuvegar 11 í Reykjavík skal endurupptekin. „Menntamálaráðuneytið ákvað að málið yrði tekið upp aftur. Að okkar mati voru ýmsir ágallar á málsmeðferðinni og ráðuneytið virðist sama sinnis,“ segir talsmaður Björgólfs Thors Björgólfssonar. Meira

Leit á Fimmvörðuhálsi

13:11 Fyrir rúmum hálftíma voru björgunarsveitir í Vík, Hvolsvelli, Landeyjum, undir Eyjafjöllum og frá Hellu kallaður út til leitar að manni á Fimmvörðuhálsi. Meira

Brennuvargs leitað

13:02 Ummerki á vettvangi benda til þess að um innbrot og íkveikju hafi verið að ræða þegar eldur kom upp í vinnusal Bláfells ehf. á Suðurnesjum í vikunni. Við íkveikjuna var notaður eldfimur vökvi, sem var fyrir í húsnæðinu og var notaður við smíðar plastbáta, sem fyrirtækið annast. Meira

Þorgerður Katrín til SA

13:00 Þorgerður Katrín Gunnarsdóttir hefur verið ráðin forstöðumaður nýs mennta- og nýsköpunarsviðs Samtaka atvinnulífsins. Stofnun menntasviðs er liður í aukinni áherslu Samtaka atvinnulífsins á menntamál og nýsköpun. Þetta kemur fram á heimasíðu félagsins. Meira

Missti bifreiðina út í Norðurá

Liðsmenn í Klakki voru staddir nálægt slysstaðnum og komu manninum til bjargar

12:58 Rétt um hálfeitt í dag voru björgunarsveitir í Skagafirði kallaðar út þar sem tilkynning barst um að bíll hefði lent út í Norðurá, vestan Öxnadalsheiðar. Tókst að bjarga ökumanni bifreiðarinnar út úr bílnum og virðist hann vera óslasaður. Meira

Góður gangur í karfaveiðum

12:52 Frystitogarinn Barði NK hélt til úthafskarfaveiða á Reykjaneshrygg hinn 8. maí sl. og hefur skipið aflað mjög vel, samkvæmt frétt á vef Síldarvinnslunnar. Meira

Heimilt að bera fólkið út

12:45 Dómari við Héraðsdóm Reykjaness staðfesti í dag að Landsbankinn geti látið bera fólk út úr húsnæði sem það átti áður en bankinn eignaðist á nauðungarsölu. Hafði fólkið ekki greitt húsaleigu frá því í fyrra. Meira

Ganga gegn Monsanto á Austurvelli

12:33 Búið er að boða til mótmæla gegn fyrirtækinu Monsanto á Austurvelli í Reykjavík en þau eru hluti af alþjóðlegum mótmælagöngum sem fara fram á morgun um allan heim. Er yfirgangi Monsanto í heiminum mótmælt sem og reglugerðarleysi er snertir efðabreyttar matvörur. Meira

Sviptur eftir ölvunarakstur

11:56 Lögreglan á Suðurnesjum hafði í fyrradag afskipti af tveimur ökumönnum. Annar var grunaður um ölvunarakstur og hinn um að aka undir áhrifum fíkniefna. Í báðum tilvikum reyndist grunurinn á rökum reistur. Meira

Ríkisstjórnarfundur klukkan 13

Guðbjartur Hannesson og Eygló Harðardóttir

11:38 Ný ríkisstjórn Íslands kemur saman í dag klukkan 13 og er það fyrsti formlegi fundur nýrrar ríkisstjórnar. Í gær og dag hafa nýir ráðherrar tekið við lyklavöldum í ráðuneytunum. Meira

Lifrarbólgufaraldur rakinn til frosinna jarðarberja

12:15 Matvælastofnun og sóttvarnalæknir brýna fyrir neytendum að sjóða frosin jarðarber í eina mínútu áður en þeirra er neytt, en niðurstöður rannsókna á uppruna lifrarbólgu A faraldurs í Skandinavíu gefur til kynna að frosin jarðarber eru orsakavaldur slíkra tilfella. Meira

Rukkuð um aukalyklana

Sigurður Ingi Jóhannsson fær lyklavöldin hjá Svandísi Svavarsdóttur

11:39 Rétt áður en Svandís Svavarsdóttir gekk út úr umhverfisráðuneytinu í morgun, eftir að hafa afhent Sigurði Inga Jóhannssyni lyklavöldin, hnippti Skúli Oddsson bílstjóri í hana og rukkaði um aukalyklana að ráðherrabílnum sem hún hafði gleymt að láta af hendi. Þá fann hún í veskinu eftir stutta leit. Meira

Gengu í skrokk á húsráðanda

11:18 Tveir karlmenn brutu sér leið inn í íbúð í fjölbýlishúsi á Akranesi í gærkvöldi og réðust á húsráðanda. Árásarmennirnir hafa verið handteknir og gista nú fangageymslu. Maðurinn sem varð fyrir árásinni var fluttur á sjúkrahús í bænum þar sem hann dvaldi í nótt. Hann særðist þó ekki alvarlega. Meira