Hvetja til þess að sniðganga verslanir

Verslunarmenn á Suðurlandi skora á verslunarmenn á svæðinu að hafa verslanir sínar lokaðar hinn 1. maí. Dagurinn sé frídagur alls launafólks á Íslandi, einnig verslunarfólks.

Þetta segir í ályktun sem samþykkt var á aðalfundi Verslunarmannafélags Suðurlands, fyrr í kvöld.

Þar hvetur fundurinn neytendur til að sniðganga verslanir sem hafa opið þennan dag.

Ályktunin í heild:

„Aðalfundur Verslunarmannafélags Suðurlands, haldinn 25. apríl 2012 skorar á verslunarmenn á starfsvæði félagsins að hafa verslanir lokaðar 1. maí, baráttudag  verkalýðsins. Dagurinn er frídagur alls launafólks á Íslandi og því á verslunarfólk að fá skilyrðislaust frí þennan dag eins og annað launafólk. Aðalfundurinn hvetur neytendur til að sniðganga verslanir sem hafa opið þennan dag.“

• 2 blogg um fréttina

Bloggað um fréttina

• Axel Jóhann Hallgrímsson: Þeir sem ekki virða 1. maí, hafa enga sjálfsvirðingu
• Hjördís Vilhjálmsdóttir: Græðgisfrí takk !