Innlent | mbl | 29.4.2012 | 18:35 | Uppfært 22:47

Mest andstaða hjá kjósendum Sjálfstæðisflokksins

Reuters

Mest andstaða er á meðal kjósenda Sjálfstæðisflokksins við inngöngu í Evrópusambandið samkvæmt niðurstöðum skoðanakönnunar sem Rúnar Vilhjálmsson, prófessor í félagsfræði við Háskóla Íslands, gerði og birtar voru fyrir helgi. Meirihluti kjósenda allra stjórnmálaflokka er andvígur aðild að ESB fyrir utan Samfylkinguna og Bjarta framtíð.

Samtals eru 77% kjósenda Sjálfstæðisflokksins andvíg inngöngu í ESB samkvæmt könnuninni en 10,2% hlynnt. Afgangurinn, 12,7%, taka ekki afstöðu. Næstmest er andstaðan við inngöngu í ESB á meðal kjósenda Framsóknarflokksins eða 64,3% en 11,2% stuðningsmanna flokksins vilja hins vegar að Ísland verði aðili að sambandinu. Athygli vekur að um fjórðungur er óákveðinn eða 24,5%.

Samtals 53,5% kjósenda Vinstrihreyfingarinnar - græns framboðs vilja ekki í ESB en 19,2% eru því hlynnt. Ríflega fjórðungur, 27,3%, tekur hins vegar ekki afstöðu. Meirihluti kjósenda Samstöðu er að sama skapi andvíg inngöngu í ESB samkvæmt könnuninni eða 51,6% á móti 20,3% sem vilja í sambandið.

Meirihluti stuðningsmanna Bjartrar framtíðar vill hins vegar aðild að ESB eða 44,1% gegn 37,3% sem eru því mótfallin. Þá eru 73,8% kjósenda Samfylkingarinnar hlynnt því að Ísland gangi í ESB en 12,3% eru því mótfallin.

Nánar verður fjallað um skoðanakönnunina í Morgunblaðinu á morgun.

Innlent »

Spyr hvort ESB heimti styrki til baka

19:11 Breski Evrópuþingmaðurinn Marina Yannakoudakis spyr á Twitter-síðu sinni í dag hvort framkvæmdastjórn Evrópusambandsins eigi eftir að heimta til baka svonefnda IPA-styrki sem það veitti Íslandi til þess að undirbúa landið fyrir inngöngu í sambandið og annað sem ætlað var að gera inngöngu meira aðlaðandi í augum Íslendinga. Meira

Minni umferð um Hvítasunnuhelgi

19:11 Umferð um nýliðna Hvítasunnuhelgi var um 3,5% minni en sömu helgi á síðasta ári um Hellisheiði og Hvalfjarðargöng. Miðað við síðasta ár var umferðin að jafnaði meiri frá fimmtudegi til laugardags en aftur á móti mun minni frá sunnudegi til mánudags. Meira

Sömu dómarar í máli nuddara

18:39 Hæstiréttur hefur staðfest úrskurð Héraðsdóms Reykjavíkur um að fjölskipaður dómur víki ekki sæti í máli ákæruvaldsins gegn nuddara sem ákærður var fyrir nauðgun. Nuddarinn var sakfelldur og dæmdur í 2 ára fangelsi en Hæstiréttur ómerkti dóminn og vísaði málinu heim í hérað til löglegrar meðferðar. Meira

Íslensk þjóðmenning í hávegum

Þess má geta að borðið sem þeir Sigmundur Davíð og Bjarni sátu við þegar þeir ...

17:51 Pönnukökur, vöfflur og soðbrauð. Þetta voru veitingarnar á meðan nýr stjórnarsáttmáli mótaðist. Þegar hann var kynntur í dag var svo boðið upp á hverarúgbrauð. Það þarf því ekki að koma á óvart að í stefnu komandi ríkisstjórnar er sérstaklega tekið fram að íslensk þjóðmenning verði í hávegum höfð. Meira

304 milljónir veittar í rannsóknarstyrki

17:17 Þrjátíu og þremur styrkjum var úthlutað til doktorsnema og vísindamanna í hátíðasal Háskóla Íslands í dag, samtals að fjárhæð 304 milljónir króna. Styrkirnir eru veittir úr Háskólasjóði H/f Eimskipafélags Íslands og Rannsóknasjóði Háskóla Íslands en auk þess var styrkur veittur úr dánarbúi Ásrúnar Einarsdóttur og frá Isavia. Meira

Sjálfstæðisflokkurinn áfram stærstur

16:39 Sjálfstæðiflokkurinn er stærsti stjórnmálaflokkur landsins samkvæmt niðurstöðum nýrrar skoðanakönnunar MMR. Flokkurinn mælist með 28,4% fylgi og bætir aðeins við sig fylgi frá kosningunum í síðasta mánuði þegar hann fékk 26,7%. Framsóknarflokkurinn er næststærsti flokkurinn og mælist nú með 19,9% en hlaut 24,4% í kosningunum. Meira

Áfall fyrir Evrópusambandið

17:48 Sú ákvörðun nýrrar ríkisstjórnar Íslands að setja viðræður um inngöngu í Evrópusambandið á ís er áfall fyrir sambandið sem er ekki lengur talið örugg höfn fyrir litlar þjóðir í kjölfar efnahagserfiðleikanna á evrusvæðinu. Meira

Ótímabært að rýmka heimildir

17:07 Íslensk stjórnvöld telja að ekki sé tímabært að rýmka heimildir til töku gengistryggðra lána. Draga þurfi úr áhættu fyrir fjármálakerfið sem fylgir óheftum fjármagnshreyfingum og er þá einkum vísað til áhættu sem felst í gjaldmiðla- og gjalddagamisræmi. Meira

Lögreglan stöðvaði Sigmund

16:03 Sigmundur Davíð Gunnlaugsson og aðstoðarmaður hans voru stöðvaðir vegna hraðaksturs í Mosfellsdal á leið frá Laugarvatni. Meira

Hallsteinsgarður afhentur Reykjavíkurborg

Jón Gnarr borgarstjóri og Hallsteinn Sigurðsson myndlistarmaður að lokinni undirskrifti samningsins í Ráðhúsi Reykjavíkur.

15:58 Jón Gnarr borgarstjóri og Hallsteinn Sigurðsson myndlistarmaður undirrituðu í dag samkomulag þar sem Hallsteinn gefur Reykjavíkurborg 16 höggmyndir úr áli sem áður höfðu verið settar upp í Gufunesi til prýði fyrir Grafarvoginn. Meira

Jákvæð og bjartsýn ríkisstjórn

15:47 „Ég vona að ríkisstjórnin í heild smiti jákvæðni og bjartsýni út í samfélagið. Ég vona líka að mér auðnist í mínum störfum að hlusta eftir því sem verið er að kalla eftir úti í samfélaginu,“ segir Bjarni Benediktsson. Hann segir mikilvægt að fá viðbrögð ESB við ákvörðuninni um hlé á aðildarviðræðum. Meira

30,2 milljörðum halað inn

15:28 Aflaverðmæti íslenskra skipa nam 30,2 milljörðum króna á fyrstu tveimur mánuðum ársins samanborið við 30,3 milljarða á sama tímabili í fyrra. Aflaverðmæti hefur því dregist saman um rúmlega 111 milljónir króna eða 0,4% á milli ára. Meira

Atvinnuleysi 6,6% í apríl

15:26 Samkvæmt Vinnumarkaðsrannsókn Hagstofu Íslands voru í apríl 2013 að jafnaði 186.800 manns á vinnumarkaði. Af þeim voru 174.400 starfandi og 12.300 án vinnu og í atvinnuleit. Atvinnuþátttaka mældist 82,3%, hlutfall starfandi 76,9% og atvinnuleysi var 6,6%. Meira

Hjóla prúðbúin um miðbæinn

15:15 Tweed Ride Reykjavík fer fram í annað sinn þann 1. júní nk. en tilgangurinn er að hittast og njóta þess að hjóla saman um miðbæ Reykjavíkur - í fötum í anda 5. og 6. áratugar síðustu aldar. Meira

Stórsigur fyrir umhverfisvernd í landinu

14:49 Hjónin Ólafur Valsson og Sif Konráðsdóttir íbúar á Hólum í Öxnadal fagna því að í gær úrskurðaði umhverfis- og auðlindaráðherra um að kerfisáætlun Landsnets skuli sæta umhverfismati. Ógilti ráðherra þar með niðurstöðu Skipulagsstofnunar frá fyrra ári í kærumáli hjónanna. Meira

Líkið af Gunnari Gunnarssyni

15:19 Lík sem fannst í Kaldbaksvík á Ströndum í síðustu viku er af Gunnari Gunnarssyni fæddum 1962. Þann 12. desember 2012 mun Gunnar hafa fallið útbyrðis af Múlabergi SI-22, djúpt út af Húnaflóa. Meira

Glæpamaður stöðvaður í Leifsstöð

15:01 Hæstiréttur hefur staðfest gæsluvarðhald yfir rúmenskum karlmanni sem stöðvaður var í Leifsstöð 26. mars sl. í kjölfar komu hans til landsins. Maðurinn reyndist eftirlýstur af kýpverskum yfirvöldum í kerfi Interpol vegna þjófnaðar, ráns og líkamsárásar. Meira

Sigurður G. sætir áminningu

14:45 Úrskurðarnefnd Lögmannafélags Íslands hefur áminnt hæstaréttarlögmanninn Sigurð G. Guðjónsson vegna skrifa sinna til Lex lögmannsstofu. Nefndin komst að þeirri niðurstöðu að með skrifunum og framkomu sinni í garð Lex hafi Sigurður brotið gróflega gegn siðareglum lögmanna. Hann sæti því áminningu. Meira