Geta skilað kexi

Viðskiptavinir Hagkaupa, sem keypt hafa kexið IL BALESTRO Cantuccini al Cioccolato/Cantuccini með súkkulaðibitum, geta skilað vörunni en framleiðandinn hefur upplýst Aðföng um að hún innihaldi sojaafurð.

Le Logge srl. á Ítalíu, framleiðandi IL BALESTRO Cantuccini al Cioccolato/Cantuccini með súkkulaðibitum hefur upplýst Aðföng um að varan innihaldi sojaafurð. Í innihaldslýsingu vörunnar kemur fram að eitt innihaldsefna hennar sé lesitín/E322 og er það unnið úr sojabaunum. Varan var til sölu í matvöruverslunum Hagkaupa frá 25. apríl 2012.

Þar sem sojabaunir og afurðir úr þeim eru þekktir ofnæmis- og óþolsvaldar hefur verið tekin sú ákvörðun að auka við merkingar vörunnar með álímdum miða, þar sem stendur „Varan inniheldur sojaafurð / sojalesitín (E322)“.

Viðskiptavinum Hagkaupa sem keypt hafa vöruna og hafa ofnæmi eða óþol fyrir soja er bent á að þeir geta skilað vörunni í verslunina þar sem hún var keypt gegn fullri endurgreiðslu.

• 1 blogg um fréttina

Bloggað um fréttina

• Guðjón Guðvarðarson: Gott væri...