Hvalárvirkjun í Ófeigsfirði er annar tveggja virkjanakosta vatnsafls sem lenda í orkunýtingarflokki samkvæmt þingsályktunartillögu um rammaáætlun.
Náttúruverndarsamtök Íslands og Náttúruverndarsamtök Vestfjarða eru á öndverðum meiði í umsögnum um áætlunina. Vestfirðingar gera ekki athugasemd við flokkunina.
Í umfjöllun í Morgunblaðinu í dag segir, að ekkert verði af rannsóknarborunum vegna fyrirhugaðrar Hvalárvirkjunar í Ófeigsfirði í sumar. Gunnar G. Magnússon, einn þriggja eigenda VesturVerks sem hyggst reisa virkjunina, segir ástæðuna vera töf á afgreiðslu Alþingis á þingsályktunartillögu um rammaáætlun.