Innlent | mbl | 16.5.2012 | 12:12

Hjólreiðar æ vinsælli ferðamáti

Fjöldi fólks tekur þátt í átakinu Hjólað í vinnuna. mbl.is/Ómar

Átakið Hjólað í vinnuna hefur farið vel af stað og eru kappsamir hjólreiðamenn orðnir algeng sjón, enda þátttakendurnir tæplega 10.400 talsins um land allt. „Þátttakan er betri en á sama tíma í fyrra og þar sem hægt er að skrá sig til 29. maí er sífellt að bætast í hópinn,“ segir Kristín Lilja Friðriksdóttir, verkefnisstjóri almenningsíþróttasviðs ÍSÍ.

Þátttakendur nú eru 200 fleiri en á sama tíma í fyrra en Kristín segist vonast til að í lok átaksins verði heildarfjöldinn kominn í 11.500. „Hann var rúmlega 11.200 í fyrra og okkur langar að bæta um betur.“ Þátttakan hefur heldur betur aukist frá því átakið var fyrst haldið árið 2003. Þá hjóluðu 533 í vinnuna og er bætingin því rúm 2000%.

Hún segir hjólreiðar almennt vera að sækja í sig veðrið. „Með þessu átaki og mikilli vitundarvakningu um umhverfi, heilsu og hagkvæmni er reiðhjólið að verða æ vinsælli ferðamáti. Það sýnir sig líka í því að árið 2010 gaf Reykjavíkurborg í fyrsta skipti út hjólreiðaáætlun og var það mikið til komið af því að sífellt fleiri eru að hjóla. Því fleiri, þeim mun meiri kröfur um að aðgengi sé gott og aðstæður góðar. Þetta helst allt í hendur,“ segir Kristín.

Hægt er að skoða tölfræði átaksins á heimasíðunni hjoladivinnuna.is. Fyrirtækjum er skipt í flokka eftir starfsmannafjölda og í hópi stærstu fyrirtækjanna (>800 starfsmenn) raða viðskiptabankarnir þrír sér í efstu sætin. Kristín segir verkfræðistofur einnig öflugar ásamt grunn- og leikskólum. „Það eru mikið til sömu fyrirtækin sem komast í efstu sætin ár eftir ár. Þar er andinn góður og fólk duglegt að hvetja samstarfsfélagana og er greinilegt að hvatningin skilar sér.“

Margir halda áfram að hjóla í vinnuna eftir að átakinu lýkur, enda fátt meira hressandi en hjólreiðatúr á fallegum sumardegi. „Markmiðið er að fá fólk til að byrja að hjóla í maí og þegar það sér hvað það er auðvelt þá haldi það áfram um sumarið. Fólk miklar oft hjólreiðarnar fyrir sér. Við vitum til þess að fólk hafi byrjað að hjóla í vinnuna í tengslum við átakið og síðan breyst í heilsárshjólreiðamenn,“ segir Kristín að lokum.

Innlent »

Stefna á breyttan ramma í sumar

08:51 Sigurður Ingi Jóhannsson, nýr umhverfisráðherra, býst við að tillaga til nýrrar þingsályktunar um rammaáætlun verði lögð fyrir á sumarþingi. „Það verður væntanlega þannig að málinu verði vísað aftur til verkefnastjórnar [um rammaáætlun]“, sagði hann. Meira

Ekki bannað að biðja um fjárhagsupplýsingar

08:30 Engin sérstök lagaákvæði kveða á um bann við því að fjármálafyrirtæki óski eftir upplýsingum um fjárhagsstöðu maka skuldara. Meira

Vegurinn um Kjálkafjörð opnaður

08:26 Vegagerðin hefur opnað Vestfjarðarveg nr. 60 um Kjálkafjörð en honum var lokað vegna hættu á skriðuföllum. Ekki þótti verjandi að ógna öryggi vegfarenda. Sérstök vakt var við framhlaupið í gær og veginum lokað á miðnætti. Hann hefur nú verið opnaður að nýju. Meira

Líkfundur á Seltjarnarnesi

07:43 Lögregla og slökkvilið höfuðborgarsvæðisins voru kölluð að fjörunni á Seltjarnarnesi í gærkvöldi vegna líkfundar. Fannst líkið í grennd við Nesvöll Golfklúbbs Seltjarnarness. Litlar sem engar upplýsingar fást um málið hjá lögreglu en ekki er talið að andlátið hafi borið að með saknæmum hætti. Meira

Illugi afhjúpaði Regnbogann

Regnboginn, glerþynnur í öllum regnbogans litum með nöfnum allra nemenda og starfsmanna skólans.

07:15 Fyrst verk nýs mennta- og menningarmálaráðherra var innt af hendi í gær. Illugi Gunnarsson var þá heiðursgestur á afmælishátíð Rimaskóla, en tuttugu ár eru síðan skólinn var settur á fót. Illugi fékk það verk að afhjúpa listaverkið Regnbogann sem nemendur og starfsfólk gerðu í tilefni afmælisins. Meira

Magur og illa brotinn

Róbert A. Stefánsson heldur á erninum vængbrotna, Guðmundur Halldórsson og ferðamennirnir sem fundu örninn fylgjast ...

05:30 Átta ára gamall haförn fannst vængbrotinn á Dagverðarnesi á Fellsströnd í fyrrakvöld. Hann var handsamaður um miðnættið og honum komið til dýralæknis. Örninn reyndist svo illa farinn að ákveðið var að svæfa hann. Meira

Fjórir teknir við veggjakrot

07:23 Nóttin var með rólegra móti hjá lögreglu höfuðborgarsvæðisins, ef marka má tilkynningu um það helsta úr dagbók næturinnar. Tvær líkamsárásir voru tilkynntar en svo virðist sem um ágreining vegna ölvunar hafi verið að ræða og árásirnar minniháttar. Þá voru veggjakrotarar staðnir að verki. Meira

Ástand bílanna almennt gott

Sumir bílarnir sem voru stöðvaðir fengu skoðun í sérstakri færanlegri skoðunarstöð en engin bifreið var ...

05:30 Um 520 bifreiðar voru stöðvaðar á leiðinni frá Leifsstöð milli kl. 14 og 17 í gær, í sérstöku eftirliti með ástandi bílaleigubíla. Meira

Kaupa aftur eignirnar af Fasteign

Bæjarsjóður Vestmannaeyja á fyrir kaupunum.

05:30 Bæjarráð Vestmannaeyjabæjar hefur ákveðið að kaupa aftur þær eignir sem bærinn seldi Fasteign hf. árið 2004 og hefur leigt síðan þá. Meira

Óvíst hvenær sumarþingið hefst

Sigmundur Davíð Gunnlaugsson kemur til að taka við lyklum að forsætisráðuneytinu.

05:30 Ríkisstjórn Framsóknarflokks og Sjálfstæðisflokks, undir forsæti Sigmundar Davíðs Gunnlaugssonar, kom saman til síns fyrsta fundar í stjórnarráðinu í gær. Meira

Vaxandi óánægja með launakjörin

05:30 Mat launafólks á launakjörum, vinnuskilyrðum, starfsanda á vinnustað o.fl. er mun betra á almennum vinnumarkaði en hjá hinu opinbera. Meira

Andlát: Ingiríður Vilhjálmsdóttir

05:30 Ingiríður Vilhjálmsdóttir lést á Hjúkrunarheimilinu Mörk 18. maí sl. Ingiríður fæddist í Reykjavík 14. nóvember 1906 og var því 106 og hálfs árs þegar hún lést. Hún var þriðji elsti Íslendingurinn. Meira

Gjald á grundvelli afnota

Réttur fólks til aðgangs að óræktuðu landi er lögvarinn þótt það sé í einkaeigu.

05:30 Heimildir landeigenda til gjaldtöku á ferðamannastöðum eru ekki skilgreindar í náttúruverndarlögum, að sögn Sigrúnar Ágústsdóttur, lögfræðings og sviðsstjóra hjá Umhverfisstofnun. Meira

Leigja flugvél undir flóttafólk

Í gær, 21:28 Útlendingastofnun mun leigja farþegaflugvél til að flytja fimmtíu manna hóp Króata til síns heima sem leituðu hælis hér á landi. Fólkinu var synjað um hæli og er verið að birta þeim þá niðurstöðu þessa daganna. Meira

Fundu 80 grömm af amfetamíni

Amfetamín. Þó töluvert meira en 80 grömm.

Í gær, 21:08 Lögreglan á Akureyri lagði í dag hald á áttatíu grömm af amfetamíni. Málið komst upp þegar bifreið var stöðvuð í bænum en á farþega fundust fjörutíu grömm af efninu. Í kjölfarið var leitað í húsi tengdu mönnunum þar sem fjörutíu grömm til viðbótar fundust. Meira

Íbúar norðursins spennandi jaðarverur

Kynningarmyndband Inspired by Iceland vakti athygli.

Í gær, 21:30 Norðrið þykir spennandi jaðarsvæði og íbúar þess spennandi jaðarverur. Þess vegna hefur ímynd norðursins til dæmis verið notuð í listsköpun og markaðsherferðum. Þetta sagði Katla Kjartansdóttir þjóðfræðingur á málstofu um Ísland og norðurslóðir sem haldin var í Háskóla Íslands í dag. Meira

Sparkaði í andlit liggjandi manns

Í gær, 21:15 Héraðsdómur Reykjavíkur hefur dæmt rétt rúmlega tvítugan pilt í þriggja mánaða skilorðsbundið fangelsi fyrir líkamsárás. Dómurinn sagði árásina tilefnislausa og grófa en maðurinn sparkaði í andlit liggjandi manns. Honum var gert greiða fórnarlambi sínu 560 þúsund í bætur. Meira

Ísland með forustu á NM í brids

Íslenska landsliðið í opnum flokki á Norðurlandamótinu í brids.

Í gær, 21:01 Ísland er með forustu í opnum flokki á Norðurlandamótinu í brids, sem nú fer fram á Hótel Keflavík í Reykjanesbæ. Í kvennaflokki er Ísland hins vegar í fjórða og neðsta sæti. Meira