Vill hóta eigendum snjóhengjunnar

Ríkisstjórninni hefur mistekist að fjölga störfum. Andlit Bjartrar framtíðar á gamlar fjárfestingaráætlanir ríkisstjórnarinnar sem innleiða á 2013-2015 mun ekki duga til,“ segir Lilja Mósesdóttir alþingismaður á Facebook-síðu sinni í dag.

Hún vísar þar til nýrrar fjárfestinga- og atvinnustefnu sem forystumenn ríkisstjórnarinnar kynntu nýverið en hún var unnin í samvinnu við Guðmund Steingrímsson, alþingismann og einn af forystumönnum stjórnmálaflokksins Bjartrar framtíðar.

„Ungt fólk finnur ekki sumarvinnu og hefur ástandið ekki verið jafn slæmt. Ríkið verður að fara strax í atvinnuuppbyggingu með jarðgangagerð og viðhaldsverkefnum. Lækka verður vexti og tryggingagjaldið,“ segir Lilja og bætir síðan við:

„Hóta verður eigendum snjóhengjunnar upptöku nýrrar krónu með 80% afföllum ef þeir fjárfesta ekki strax til langs tíma í íslensku atvinnulífi eða skipta strax krónunum sínum í erlendan gjaldmiðil með miklum afföllum.“

• 9 blogg um fréttina

Bloggað um fréttina

• Magnús Helgi Björgvinsson: Gáfulegt eða hitt þó heldur
• Heimir Lárusson Fjeldsted: Gefum stuttan frest
• Óskar: Hóta fjárfestum - Það er að pissa í skóinn sinn …
• Óðinn Þórisson: Samstaða gæti orðið í lykilstöðu eftir næstu kosnignar
• Sigurður Haraldsson: Það er nú svo komið!
• Kristinn Snævar Jónsson: Velferðarstefna eða helferðarstefna
• Hörður Þórðarson: Er manneskjan heimsk, eða fluggáfuð?
• Jóhann Elíasson: MANNESKJAN GETUR EKKI VERIÐ MEÐ FULLA FIMM - KANNSKI EKKI …
• Axel Jóhann Hallgrímsson: Ógnarsamstaða