„Stöð 2 læst stöð“
Setja bókamerki
Spennuþrungnar kappræður á milli frambjóðenda til embættis forseta Íslands fara nú fram í Hörpu og eru sýndar í beinni sjónvarpsútsendingu á Stöð 2. Kappræðurnar hófust á því að lesin var upp sameiginleg yfirlýsing þriggja frambjóðenda, þeirra Ara Trausta Guðmundssonar, Andreu Jóhönnu Ólafsdóttur og Hannesar Bjarnasonar.
Frambjóðendurnir mótmæltu fyrirkomulagi útsendingarinnar harðlega og gengu úr sal. Það er þó ekki eina óvænta uppákoman sem áhorfendur heima í stofu hafa orðið varir við því um klukkan átta í kvöld læstist sjónvarpsútsendingin.
Þeir sem ekki eru áskrifendur að Stöð 2 og horfðu á útsendinguna í gegnum Sjónvarp Símans gátu fram að þessu séð hana ólæsta. En um átta leytið, á sama tíma og Ólafur Ragnar Grímsson, forseti Íslands, svaraði spurningu úr sal, læstist dagskráin.
Í stað kappræðna birtist fólki, sem ekki eru áskrifendur að Stöð 2, svartur skjár og skilaboðin: „Stöð 2 læst stöð.“
Önnur stunguárás í Sydney
„Erum á stað sem við höfum ekki séð áður“
Íranar hafi vísvitandi gætt hófs
Byggingarheimildir verði tímabundnar
„Hefur smám saman verið að lagast“
Gleymir seint deginum sem skriðurnar féllu
50% fjölgun kærumála og aukið álag