„Eitthvað bogið við kerfið“

Björn Bjarnason, fyrrverandi dómsmálaráðherra, segir að ef halda eigi áfram að rannsaka hvort veita eigi þeim sem stunda lögbrot til að komast úr landi hæli hér á landi sem pólitískum flóttamönnum sé „eitthvað bogið við kerfið“.

Orð sín lét ráðherrann fyrrverandi falla í pistli á vefsvæði sínu, í tilefni af tilkynningu frá Isavia. Hann segir að ef öryggiskerfi Keflavíkurflugvallar virki þótt tveimur hælisleitendum hafi tekist að smygla sér um borð í flugvél með því að laumast yfir girðingu sé einnig eitthvað bogið við það kerfi.

Björn spyr hvort skilja megi tilkynninguna á þann veg að flugmálastjórn geri ekki nægilega strangar kröfur.

• 2 blogg um fréttina

Bloggað um fréttina

• Axel Jóhann Hallgrímsson: Þessir misbrestir...
• Guðrún María Óskarsdóttir.: Mörg eru kerfin vor, kengbogin.