Fyrsta gifting samkynhneigðra hjá Siðmennt

Giftingarhringir
Giftingarhringir

Fyrsta gifting samkynhneigðra sem athafnastjóri Siðmenntar stýrði átti sér stað laugardaginn 11. ágúst. Það voru þær Jana Björg Ingadóttir og Jóhanna Kristín Gísladóttir sem giftu sig með persónulegri athöfn í viðurvist sinna nánustu, að morgni dags rétt fyrir Gay Pride-gönguna.

Hörður Torfason, einn af 15 athafnastjórum Siðmenntar og handhafi húmanistaviðurkenningar félagsins 2010, sá um athöfnina en hann er upphafsmaður réttindabaráttu samkynhneigðra á Íslandi.

Í fréttatilkynningu frá Siðmennt segir félagið þessum tímamótaviðburði, enda hafi félagið alltaf stutt jafnréttisbaráttu samkynhneigðra. Frá árinu 2008 hefur Siðmennt boðið upp á allar félagslegar tímamótaathafnir fjölskylda á veraldlega vísu. „Borgaraleg ferming hefur unnið sér sterkan sess sem raunverulegur valkostur unglinga en þær hófust árið 1989. Á árinu 2013 verður því boðið upp á borgaralega fermingu í 25. sinn. Giftingum á vegum Siðmenntar hefur fjölgað stöðugt sem og nafngjöfum. Veraldlegar útfarir eru einnig góður valkostur fyrir trúlausa sem sífellt fleiri nýta sér.“

Megináherslan í athöfnum á vegum Siðmenntar er hlýleiki, mannvirðing og gleði ásamt siðrænni hugvekju í anda siðræns húmanisma. Áhersla er lögð á að fjalla um einstaklingana í athöfninni og því eru athafnirnar afar persónulegar og innilegar.

Hörður Torfason sá um athöfnina í fyrstu giftingu samkynhneigðra hjá …
Hörður Torfason sá um athöfnina í fyrstu giftingu samkynhneigðra hjá Siðmennt. Mbl.is/Ernir Eyjólfsson
mbl.is

Bloggað um fréttina

Fleira áhugavert
Fleira áhugavert