Innlent | mbl | 25.8.2012 | 23:23 | Uppfært 26.8.2012 18:01

Konan enn ófundin - leit frestað

Björgunarsveitarfólk að störfum. mbl.is

Erlenda ferðakonan sem leitað hefur verið við Eldgjá í dag er enn ófundin. Lögreglan segir engar vísbendingar hafa borist um ferðir hennar eftir að hún yfirgaf rútu við Eldgjá í hádeginu. Leit hefur nú verið frestað. Samkvæmt upplýsingum lögreglunnar á Hvolsvelli er talið að konan hafi verið ein á ferðalagi.

Lögreglan á Hvolsvelli og björgunarsveitir á Suðurlandi hafa leitað konunnar í dag. Konan er ferðamaður af asískum uppruna og fór í rútu að Eldgjá í Skaftártunguafrétti um hádegisbil í dag.

Stoppað var við Eldgjá í klukkustund en þegar halda átti til baka skilaði konan sér ekki og hefur ekkert til hennar spurst síðan. Bílstjóri rútunnar beið hennar í um klukkustund áður en ferðinni var haldið áfram. Lét hann lögreglu vita og var hafin eftirgrennslan skömmu síðar.

Konan er af asískum uppruna, um 160 cm á hæð, dökkklædd og talar góða ensku, að því er fram kemur í tilkynningu lögreglunnar. Hún er á aldrinum 20-30 ára og með litla, ljósa hliðartösku.

Í dag hefur Björgunarsveitin Stjarnan úr Skaftártungu farið um svæðið á bílum og fjórhjólum og kannað alla slóða í kring og upp með ánni. Síðar voru allar sveitir í Rangárvalla- og Vestur-Skaftafellssýslu kallaðar til leitar.

Ekki er talið loku fyrir það skotið að konan hafi fengið far með öðrum af svæðinu.

Þeir sem hafa einhverjar upplýsingar um ferðir konunnar eru vinsamlegast beðnir að hafa samband við lögregluna á Hvolsvelli í síma 488 4110.

Innlent »

Gatnamótum Höfðabakka og Bæjarháls lokað í kvöld

08:41 Í kvöld verða gatnamót Höfðabakka og Bæjarháls malbikuð. Gatnamótin verða því lokuð frá frá kl 22:00 og gatnamótin opna kl 6:30. Hjáleiðir verða settar upp, samkvæmt upplýsingum frá Vegagerðinni. Meira

14.400 undirskriftir

08:33 Rúmlega 14.400 manns hafa skrifað undir áskorun á netinu til Alþingis um að samþykkja ekki frumvarp ríkisstjórnarinnar um breytingar á lögum um veiðigjaldið. Meira

Gestir undir smásjá spæjaranna

08:17 Edward Snowden varð ósáttur við vinnubrögð bandarísku öryggisstofnunarinnar, NSA, og afhenti fjölmiðlum gögn sem hann segir að sanni að stjórnvöld geti komist yfir allar upplýsingar um almenning sem þeim henti hverju sinni. Meira

Flugan flýgur til Frakklands

07:39 Franskt útgáfufyrirtæki hefur keypt útgáfuréttinn á bók Bryndísar Björgvinsdóttur, Flugan sem stöðvaði stríðið. Meira

Þrír óskuðu eftir gistingu

06:14 Sex gista fangageymslur lögreglunnar á höfuðborgarsvæðinu. Þar af eru þrír sem óskuðu eftir því að fá gistingu í nótt. Þrír eru hins vegar í fangaklefa þar sem þeir verða yfirheyrðir síðar í dag vegna óafgreiddra mála. Meira

Sleppa betur með ræktun

05:30 „Refsingar fyrir ræktun á kannabis eru mun vægari heldur en refsingar fyrir innflutning á efninu,“ segir Kjartan Ægir Kristinsson, laganemi við Háskóla Reykjavíkur, í nýlegri BA-ritgerð. Daði Kristjánsson, saksóknari hjá Ríkissaksóknara segir ákæruvaldið í fíkniefnamálum oft vera í höndum lögreglu. Meira

Hreinsuðu upp eftir árekstur

06:41 Slökkvilið höfuðborgarsvæðisins var kallað út í gærkvöldi vegna áreksturs í Mjóddinni. Meira

Hönnun TARK valin við stækkun FSu

05:47 TARK - Teiknistofan Arkitektar hlaut fyrstu verðlaun í hönnunarsamkeppni um stækkun á verknámsaðstöðu Fjölbrautaskóla Suðurlands á Selfossi. Meira

Leggja blóm að leiði Bríetar

Blómsveigur lagður á leiði Bríetar Bjarnhéðinsdóttur á kvenréttindadaginn í fyrra.

05:30 Kvenréttindadagurinn er í dag og af því tilefni mun Kvenréttindafélag Íslands leggja blómsveig að leiði baráttukonunnar Bríetar Bjarnhéðinsdóttur. Meira

Lést í bílslysi í Skötufirði

05:30 Konan sem lést í bílslysi í Skötufirði í Ísafjarðardjúpi 13. júní sl. hét Dröfn Guðmundsdóttir, til heimilis í Flétturima 12 í Reykjavík. Dröfn lætur eftir sig eiginmann, Sigurð Skúlason, og fjögur börn, en fyrir átti Sigurður tvo syni. Meira

Háskaleg ljósmyndataka ferðamanna

05:30 „Ég var staddur þarna svolítið frá, að taka mynd af fossinum með aðdráttarlinsu þegar ég sá fólkið við fossinn,“ sagði Óttar Sveinsson sem tók meðfylgjandi mynd við Dettifoss í gær. Meira

Krefjast skaðabóta vegna útgerðarkaupa

05:30 Tekið var fyrir mál Vinnslustöðvarinnar hf. í Vestmannaeyjum gegn fyrrverandi stjórnarmönnum fyrirtækisins, þeim Gunnari J. Meira

Áfram rætt um makríl

05:30 Sigurður Ingi Jóhannsson, sjávarútvegs- og landbúnaðarráðherra, gerði grein fyrir viðræðum sínum við Mariu Damanaki, sjávarútvegsstjóra Evrópusambandsins, og öðrum viðræðum sem hafa átt sér stað vegna stöðu mála, á fundi utanríkismálanefndar Alþingis í gær, að sögn Birgis Ármannssonar, formanns nefndarinnar. Meira

Útkall vegna örbylgjupopps

Í gær, 22:01 Tilkynnt var um reykjarlykt í Menntaskólanum við Hamrahlíð upp úr klukkan átta í kvöld auk þess sem brunavarnakerfi skólans fór í gang. Þegar slökkviliðsmenn komu á vettvang reyndist hins vegar talsvert minni hætta á ferðum en óttast var. Meira

Viðtal við meintan barnaníðing

Sölvi Tryggvaon þáttastjórnandi Málsins á Skjá einum undirbýr næstu þætti og vill gjarnan fá góðar ...

Í gær, 21:39 „Oft koma bestu sögurnar ekki þegar maður leitar að þeim sjálfur heldur þegar einhver kemur með þær til manns,“ Sölvi Tryggvason, þáttastjórnandi Málsins. Fyrsti þáttur Málsins um kynferðislegt ofbeldi gegn börnum er orðinn aðgengilegur á netinu, þátturinn var sýndur á Skjá einum í vetur. Meira

Guðni Páll réri frá Bolungarvík í dag

Guðni Páll leggur af stað frá Bolungarvík í dag.

Í gær, 23:21 Guðni Páll Viktorsson, sem er þessa stundina á hringferð í kringum landið á kajak, lagði af stað frá Bolungarvík í dag. Hann stefndi að því að gista í Látrum í Aðalvík í nótt áður en hann heldur áfram á föstudaginn yfir í Hornvík, ef veður leyfir. Þar mun hann hvílast og safna kröftum áður en hann rær fyrir Hornbjarg, en sá kafli leiðarinnar er nokkuð erfiður. Meira

Sundlaug og skóli í Úlfarsárdal

Í gær, 22:01 Í hönnunarsamkeppni sem samþykkt var á síðasta fundi borgarráðs er gert ráð fyrir nýjum leik- og grunnskóla, sundlaug og íþróttahúsi fyrir Grafarholt og Úlfarsárdal. Gert er ráð fyrir sundlaug með útisvæði og heitum pottum opnum almenningi og jafnframt lítilli innilaug. Meira

160 taktmælar komnir í hús

Í gær, 20:15 „Við erum eiginlega komin í hálfgerð vandræði,“ segir Víkingur Heiðar Ólafsson, listrænn stjórnandi Reykjavík Midsummer Music, sem hefst á morgun. Hann óskaði eftir að fá 100 gamaldags taktmæla lánaða hjá þjóðinni, viðbrögðin voru slík að um 160 slíkir höfðu skilað sér í hús um hádegisbil í dag. Meira