„Leitin gengur samkvæmt áætlun. Mestallt féð sem við höfum fundið hefur verið lifandi, en reyndar fannst nokkuð af bæði lifandi og dauðu fé í Mývatnssveit í dag, það hafði fennt yfir það og þess hafði verið saknað síðan fyrir helgi,“ segir Sigurður Brynjólfsson, yfirlögregluþjónn á Húsavík.

Hann segir erfitt að nefna nákvæmar tölur um fjölda þess fjár sem fundist hefur og þess sem enn er saknað.

Að sögn Sigurðar eru um 200 björgunarsveitarmenn af svæðinu við leit, auk íbúa á svæðinu og um 70 björgunarsveitarmanna af höfuðborgarsvæðinu. Sexhjól valt yfir einn leitarmannanna í morgun, en honum varð ekki meint af. 

„Þessi almannavarnaaðgerð heldur áfram í dag og við metum síðan stöðuna í kvöld. En það er ljóst að leitin á Þeistareykjasvæðinu mun taka lengri tíma, þetta er svo stórt svæði,“ segir Sigurður.

Sigrún Óladóttir bóndi á Brúnahlíð í Aðaldal smalar fé á Þeistareykjasvæðinu. Skapti Hallgrímsson

Tengdar fréttir

Óveður í september

„Við tökum enga áhættu“

• Fé falið undir fannhvítri jörð
• 350 milljónir til bænda á kalsvæðum
• Tjón skiptir hundruðum milljóna
• Kortleggja á vandann hjá bændum

» Fleiri tengdar fréttir

• 1 blogg um fréttina

Bloggað um fréttina

• Pálmi Freyr Óskarsson: Hvernig er það, ekki hægt að nota .....