Stefnir á 2. sætið í NA-kjördæmi
Setja bókamerki
Erna Indriðadóttir, stjórnsýslufræðingur og starfsmaður Alcoa Fjarðaáls, hefur ákveðið að gefa kost á sér í annað sætið á framboðslista Samfylkingarinnar í Norðausturkjördæmi, í prófkjöri flokksins sem fram fer dagana 9. og 10. nóvember.
Erna var í tíunda sæti á lista Samfylkingarinnar í kjördæminu í síðustu alþingiskosningum. Hún starfaði sem fréttamaður á Ríkisútvarpinu í rúm 20 ár, þar af sem deildarstjóri Ríkisútvarpsins á Akureyri í sex ár, en hefur starfað sem upplýsingafulltrúi Fjarðaáls á Reyðarfirði frá árinu 2005.
Erna telur brýnt að endurreisn landsins verði haldið áfram á grundvelli jafnaðarstefnunnar. Hún hefur áhuga á að beita sér í atvinnumálum og byggðamálum og er þeirrar skoðunar að ljúka eigi aðildarviðræðunum við Evrópusambandið.
Hún telur að halda eigi áfram sjálfbærri nýtingu orkulinda landsins í samræmi við rammaáætlun og vill að fólk sem flytur til starfa á landsbyggðinni fái tímabundinn skattaafslátt.
Þá vill Erna leggja sitt af mörkum til að bæta umræðuhefð á Alþingi og stuðla að faglegri vinnubrögðum á þeim vettvangi.
Stóraukið fé til samgöngusáttmála
Fjárfestingin 115 milljarðar króna
Kvikan virðist nú skiptast til helminga
„Þögnin er ærandi“
Innviðir þandir og álagið „gríðarlegt“
Benda á Samgöngustofu sem bendir út í heim