Fangelsi byggt á norrænni hönnunarhefð

Nýtt fangelsi á Hólmsheiði verður byggt á norrænni hönnunarhefð eins og hún gerist best. Þetta segir innanríkisráðherra sem undirritaði í dag Nordic Built-sáttmálann ásamt fulltrúum hönnunarteymisins sem vinnur að hönnun fangelsisins.

Nordic Built er samvinnuverkefni sem hvetur til þróunar samkeppnishæfra lausna í vistvænni mannvirkjagerð. Verkefnið miðar að því að Norðurlöndin nái markmiðum sínum um að vera leiðandi í nýsköpun, grænum hagvexti og velferð. Með þeirri hugmyndafræði er leitast við að auka lífsgæði, nýta sjálfbærni, staðbundnar auðlindir.

Norræna ráðherraráðið fjármagnar verkefnið ásamt Nordic Innovation, sem einnig er í forsvari fyrir framkvæmd þess í samvinnu við Norðurlöndin.

Nordic Built-verkefnið er eitt af sex svonefndum kyndilverkefnum sem stofnað var til í tengslum við mótun nýrrar stefnu um samvinnu í iðnaðar- og nýsköpunarmálum, með áherslu á grænan vöxt, sem norrænu viðskipta- og iðnaðarráðherrarnir samþykktu í október 2011.

• 2 blogg um fréttina

Bloggað um fréttina

• Haraldur Haraldsson: Fangelsi byggt á norrænni hönnunarhefð/Allur anskotin er nú orðin grænn????
• Óskar Guðmundsson: Hvað með autt húsnæði.