Áður en gengið var til þingkosninga í apríl 2009 bundu margir forystumanna Samfylkingar og stuðningsmanna þeirra vonir við að sótt yrði um aðild að ESB og aðildarferlinu síðan lokið snemma á kjörtímabilinu.

Má þar nefna að Árni Páll Árnason, þingmaður Samfylkingar, sá fyrir sér að samningar kynnu að liggja fyrir snemma sumars 2010.

Eftir að Alþingi samþykkti að senda inn aðildarumsókn 16. júlí 2009 tók hins vegar að bera á því sjónarmiði að Icesave-deilan tefði för vegna andstöðu deiluþjóðanna við inngöngu Íslands í ESB.

Síðar á kjörtímabilinu var makríldeilan sögð tefja ferlið, sjónarmið sem Össur Skarphéðinsson utanríkisráðherra hafnaði. Í umfjöllun um mál þetta í Morgunblaðinu í dag segir, að síðan Árni Páll spáði hraðferð í ESB hafa tímaáætlanir aðildarsamnings stöðugt breyst og hefur óvissan um lok viðræðna e.t.v. aldrei verið meiri en nú.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir