Rasmusar minnst við tjörnina
Setja bókamerki
Minningarathöfn var haldin við tjörnina í Reykjavík í kvöld þar sem færeyska gítarleikarans og þungarokkarans Rasmusar Rasmussen var minnst. Rasmus lést nýverið, aðeins 32 ára gamall, en undanfarin ár hafði hann tekist á við afleiðingar fólskulegrar árásar sem hann varð fyrir árið 2006.
Honum tókst aldrei að jafna sig að fullu eftir hana. Árásin og ofsóknir í kjölfar hennar tengdust samkynhneigð Rasmusar og með þessari athöfn vilja aðstandendur hennar vekja athygli á þeim fordómum og hatursglæpum sem hinsegin fólk verður fyrir í heiminum.
Í fréttatilkynningu frá Samtökunum 78, sem stóðu að athöfninni, segir að ekki séu nema nokkrir mánuðir síðan ráðist var á transmann á bar í Reykjavík fyrir það eitt að vera trans og því ljóst að fordómarnir og hatrið leynist víða - líka í okkar annars umburðarlynda samfélagi.
Athöfnin hófst klukkan 19:00 með kertafleytingu á Tjörninni, við Iðnó. Að henni lokinni tók við samverustund í Fríkirkjunni í Reykjavík, þar sem Hörður Torfa, Jens Guð og fleiri koma fram.
Skemmtiferðaskip hætt komið nærri Viðey
Eyjafjarðarbraut lokað vegna alvarlegs umferðarslyss
„Á réttri leið en nokkuð í land ennþá“
Æskuvinur Íslendings myrtur í Noregi
Hernaðaraðstoð samþykkt – Vopnasendingar í vikunni
„Hvílir mikil leynd yfir þessu öllu“
Skiptir miklu meira máli en fólk grunar
Handteknir eftir myndatöku í Vesturbæjarlaug