Hraunrennsli getur mögulega valdið tjóni á tveimur þéttbýlisstöðum á Íslandi, að mati Páls Einarssonar jarðeðlisfræðings. Það er í Vestmannaeyjakaupstað, eins og sannaðist í Heimaeyjargosinu 1973, og í Grindavík.
„Það er mjög óvenjulegt á Íslandi að hraun renni í byggð. Flest hraunasvæði okkar eru í reginóbyggðum. Þess vegna er hætta af hraunrennsli yfirleitt sáralítil,“ segir Páll í umfjöllun um hugsanlega vá af völdum eldgosa í Morgunblaðinu í dag.
Vinna við gerð heildarhættumats á eldgosum á Íslandi er komin vel af stað, að sögn Sigrúnar Karlsdóttur, náttúruvárstjóra á Veðurstofunni. Hættumatið er mjög viðamikið og á fyrstu fjórum verkefnunum að ljúka 2014.