Eygló leiðir í Kraganum
Setja bókamerki
Eygló Þóra Harðardóttir alþingismaður mun leiða lista Framsóknarflokksins í Suðvesturkjördæmi. Eygló fékk 158 atkvæði, 53,7% í fyrsta sætið, en Willum Þór Þórsson fékk 136 atkvæði og 46,3%.
Þetta var niðurstaða kosningar á kjördæmisþingi Framsóknarflokksins í Suðvesturkjördæmi sem nú er haldið í Flensborgarskólanum í Hafnarfirði.
Þrjú buðu sig fram í fyrsta sætið, auk þeirra Eyglóar og Willums bauð Una María Óskarsdóttir sig fram í fyrsta sætið og reyndar annað sætið líka. Fyrst var kosið á milli þeirra þriggja, en þar sem ekkert þeirra fékk einfaldan meirihluta í fyrri umferð var kosið aftur og lágu úrslitin fyrir um klukkan hálf eitt.
Samkvæmt reglum Framsóknarflokksins telst sá kjörinn sem hlýtur fleiri atkvæði í síðari umferðinni. Þegar úrslit liggja fyrir um 1. sætið skal kosið á sama hátt um 2. sætið og svo framvegis þar til kosið hefur verið í sæti 1-7.
Frétt mbl.is: Kjósa þarf aftur á milli Eyglóar og Willums.
Kostnaður meiri en milljón á fermetra
Æskuvinur Íslendings myrtur í Noregi
„Okkur miðar í rétta átt“
Handteknir eftir myndatöku í Vesturbæjarlaug
Skar höfuðleðrið af íslenskri konu
„Það þarf að vinna mikinn fjölda upp“
„Á réttri leið en nokkuð í land ennþá“
„Hvílir mikil leynd yfir þessu öllu“