Rúmlega 20 manna sendinefnd kemur frá Kína síðar í mánuðinum til viðræðna um fríverslunarsamning Íslands og Kína.
Lengi hefur verið rætt um fríverslunarsamning ríkjanna. Viðræðurnar lágu þó að mestu niðri frá bankahruni þar til Wen Jiabao, forsætisráðherra Kína, kom í opinbera heimsókn hingað til lands í apríl. Þá var ákveðið að taka þráðinn upp að nýju.
Kínverska sendinefndin verður hér á landi dagana 18. til 20. desember til viðræðna við fulltrúa utanríkisráðuneytisins. 24 fulltrúar eru í kínversku nefndinni.