Viðræðurnar við ESB verði settar á ís

AFP

Meirihluti utanríkismálanefndar Alþingis lagði fram þingsályktunartillögu á fundi nefndarinnar í morgun um að viðræðurnar við Evrópusambandið um inngöngu Íslands í sambandið verði settar til hliðar og þær ekki hafnar að nýju nema með samþykki þjóðarinnar í þjóðaratkvæðagreiðslu.

Þingsályktunartillagan var lögð fram af fulltrúum Sjálfstæðisflokksins og Framsóknarflokksins í utanríkismálanefnd auk Jóns Bjarnasonar, þingmanns Vinstrihreyfingarinnar - græns framboðs. Ragnheiður Elín Árnadóttir, þingmaður Sjálfstæðisflokksins og einn af flutningsmönnum tillögunnar, sagði á Alþingi í morgun að stefnt væri að því að tillagan yrði tekin fyrir á fundi utanríkismálanefndar næstkomandi fimmtudag og hún tekin til efnilegrar meðferðar. Þingsályktunartillagan yrði síðan lögð fram í þinginu og vonandi samþykkt í kjölfarið.

Sigmundur Davíð Gunnlaugsson, formaður Framsóknarflokksins, vakti máls á því að umsóknin um inngöngu í Evrópusambandið hefði tekið miklu lengri tíma en gert hafi verið ráð fyrir í upphafi og enn hefðu stærstu viðræðukaflarnir ekki verið teknir fyrir um sjávarútveg og landbúnað. Bjarni Benediktsson, formaður Sjálfstæðisflokksins, tók í sama streng og sagði tímabært að veita þeim þingmönnum sem samþykkt hefðu umsóknina á sínum tíma tækifæri til þess að endurmeta afstöðu sína.

Vigdís Hauksdóttir, þingmaður Framsóknarflokksins, fagnaði þingsályktunartillögunni og sagði ljóst að stóru kaflarnir yrðu ekki opnaðir fyrir þingkosningarnar í vor. Einar K. Guðfinnsson, þingmaður Sjálfstæðisflokksins, sagði tillöguna að sama skapi fagnaðarefni og að sífellt kæmi betur í ljós að það þjónaði ekki hagsmunum Íslands að ganga í Evrópusambandið.

Magnús Orri Schram, þingmaður Samfylkingarinnar, sagðist telja að farsælast væri að ljúka viðræðunum við Evrópusambandið og leyfa þjóðinni að greiða atkvæði um aðildarsamning. Hann sagðist þeirrar skoðunar að umræður í aðdraganda þjóðaratkvæðis um það hvort halda ætti áfram með umsóknina um inngöngu í sambandið yrði ekki upplýst og myndi einkennast af upphrópunum.

Árni Þór Sigurðsson, þingmaður VG og formaður utanríkismálanefndar, sagði að Jón Bjarnason hefði ákveðið að ganga í lið með framsóknarmönnum og sjálfstæðismönnum í utanríkismálanefnd án þess að bera það fyrst undir þingflokk VG þvert á reglur. Hann sagði að allar ákvarðanir varðandi umsóknina um inngöngu í Evrópusambandið á vettvangi VG hefðu til þessa verið teknar í samræmi við reglur flokksins og hann vænti þess að þannig yrði staðið að málum áfram.

mbl.is

Bloggað um fréttina

Innlent »

Íhugar kæru til Mannréttindadómstóls

19:22 Geir Gestsson, hæstaréttarlögmaður og verjandi fyrrverandi starfsmanns Byko sem var sakfelldur í Hæstarétti Íslands, segir að til greina komi að kæra málið til Mannréttindadómstóls Evrópu. Meira »

Tveir með augastað á tré

18:59 Fuglar og krúttlegir litlir englar úr tré hafa hreiðrað um sig í elstu gleraugnaverslun landsins á Laugaveginum. Herraþverslaufur úr tré taka einnig rými innan um og saman við gleraugnaumgjarðir af ýmsu tagi – líka úr tré. Sjóntækjafræðingarnir Rüdiger Þór Seidenfaden og Darri Ásbjörnsson segja varninginn ríma hvort tveggja við vistvænan lífstíl og fagurfræði. Meira »

Píratar hefja viðræður á mánudag

18:11 Verkferlar og málefni voru meðal þess sem þingflokkur Pírata ræddi á fundi sínum í dag. Smári McCarthy, þingmaður Pírata, segir fundinn hafa snúist um undirbúning fyrir formlegar stjórnarmyndunarviðræður. Meira »

Sló lögreglumann í kynfærin

17:53 Embætti héraðssaksóknara hefur ákært karlmann á fimmtugsaldri fyrir að hafa í nóvember 2015 slegið lögreglumann með krepptum hnefa í kynfærin. Lögregla hafði komið á vettvang til að aðstoða sjúkraflutningamenn sem höfðu verið kallaðir á heimili í Kópavogi. Maðurinn hafði kvartað yfir eymslum í baki. Meira »

Fyrirtæki víkja fyrir nýrri byggð

17:38 Fyrirhuguð er mikil uppbygging íbúðarhúsnæðis á Ártúnshöfða og við Elliðavog á næstu árum. Þar hafa nokkur fyrirtæki verið með starfsemi um áratuga skeið en þau þurfa nú að víkja. Meira »

Á Íslandi meðan á samræðum stendur

16:17 Bragi Guðbrandsson, forstjóri Barnaverndarstofu, telur ólíklegt að íslenskur drengur sem norsk barnaverndaryfirvöld hafa forræði yfir verði sendur til Noregs meðan á samræðum milli barnaverndaryfirvalda landanna stendur. Meira »

Úrskurðaður í farbann

15:36 Héraðsdómur Reykjaness hefur úrskurðað karlmann á fimmtugsaldri í farbann. Þetta staðfestir lögreglan á Suðurnesjum. Hann er grunaður um að hafa tekið myndir í óleyfi á Facebook-síðum ungra stúlkna og birt þær á eigin vefsíðu undir því skyni að þær væru falar til fylgdarþjónustu. Meira »

Maraþonhlaupari í „lélegu formi“

15:39 Skokkarinn Bryndís Svavarsdóttir kallar ekki allt ömmu sína. Flestir sem hafa gaman af því að hlaupa láta sér nægja eitt, kannski tvö maraþonhlaup á ári. Bryndís er ekki ein af þeim en hún hefur hlaupið 206 maraþonhlaup en fyrsta hlaupið hljóp hún fyrir 21 ári. Fyrsta maraþonið hljóp hún í Svíþjóð. Meira »

Vilja ekki fleiri brottvísanir

14:41 Á fimmta tug mótmælenda söfnuðust saman á Hlemmi í Reykjavík um klukkan tvö í kröfugöngu til stuðnings réttindum hælisleitenda og flóttamanna. Krafa þeirra er að Útlendingastofnun verði lögð niður, fólk fái að vinna á meðan mál þess er í vinnslu og að mál þeirra verði rannsökuð af alvöru. Meira »

Horfa á stöðuna með opnum huga

13:50 „Við horfum á þetta með opnum huga,“ segir formaður Vinstri grænna um hvort forsendur til myndunar fimm flokka stjórnar hafi breyst eftir að Píratar fengu umboð til stjórnarmyndunar í gær. Meira »

Óábyrg ákvörðun að auka kvótann

13:30 Þetta er afskaplega óábyrgt af Norðmönnum og kemur okkur verulega á óvart,“ segir Sigurgeir Þorgeirsson hjá atvinnu- og nýsköpunarráðuneytinu og samningamaður fyrir Íslands hönd um uppsjávarstofna. Meira »

Borgarstjórinn ásamt jólasveinum í jólaskógi

13:00 Dagur B. Eggertsson, borgarstjóri Reykjavíkur, felldi í morgun jólatré í Jólaskógi Skógræktarfélags Reykjavíkur, en það er hefð hjá mörgum fjölskyldum að heimsækja skóginn til að höggva eigið tré fyrir jólin. Meira »

Píratar funda í dag

11:04 Píratar munu funda í dag en ekki með öðrum flokkum að sögn Birgittu Jónsdóttur, þing­flokks­formanns Pírata. Í dag verður lagður grunnur að fundi við aðra flokka sem verða annaðhvort annað kvöld eða á mánudagsmorgun. Í gær veitti for­seti Íslands henni og Pír­öt­um umboð til stjórn­ar­mynd­un­ar. Meira »

Syndir oftar en hún tekur ferjuna

08:30 Það má ábyggilega finna presta sem ganga á fjöll, hlaupa víðavangshlaup, synda í sjónum, eru með bláa beltið í karate, syngja í kór, spila á trompett og úkúlele, baka fimm sortir af smákökum fyrir jólin og hafa skrifað bók. Meira »

Leikskólanum Mýri lokað í júlí

08:18 Leikskólanum Mýri í Vesturbæ Reykjavíkur verður lokað 15. júlí 2017. Þetta var ákveðið á fundi borgarráðs 1. desember að tillögu skóla- og frístundasviðs með atkvæðum meirihluta Samfylkingar, Bjartrar framtíðar, Pírata og VG. Sjálfstæðisflokkur og Framsóknarflokkur sátu hjá. Meira »

Fundu upphafsmann „dabbsins“

10:42 Einu sinni var það plankinn. Nú er það dabbið sem allir eru að gera. Æðið hófst af alvöru í vor og er að ná hámarki. En hvaðan er þetta og af hverju er fólk að gera þetta? Meira »

Vestasti hluti Kársness breytir um svip

08:19 Blönduð byggð íbúða og atvinnuhúsnæðis, vistvænar samgöngur, verslun og þjónusta verða áhersluatriði í uppbyggingu vestasta hluta Kársness. Samhliða uppbyggingu verður reist brú fyrir gangandi, hjólandi og almenningsvagna yfir Fossvog sem tengja mun svæðið við háskólasvæði Háskólans í Reykjavík, Háskóla Íslands og miðbæ Reykjavíkur. Meira »

Deila um sölu brauða í Krónunni

07:57 Heilbrigðisnefnd Hafnarfjarðar- og Kópavogssvæðis hefur krafið verslunarkeðjuna Krónuna um úrbætur á því hvernig staðið er að sölu á fersku brauðmeti í fjórum verslunum Krónunnar í Kópavogi og Hafnarfirði. Meira »
Lausar íbúðir ...Eyjasól ehf.
Fallegar 2-3ja herb. íbúðir í Reykjavik lausar næstu daga .... Allt til alls. ...
FERÐAÞJÓNUSTAN ER TIL SÖLU
Ferðaþjónusta til sölu. Tourist Service Iceland. vefsíðan www.touristservice.is ...
Heimili í borginni -www.eyjasolibudir.is
Fallegar 2-3ja herb. íbúðir til leigu fyrir erlenda ferðamenn og íslendinga á fa...
 
Samkoma
Félagsstarf
Samkoma kl. 20 í Kristni- boðssalnum. R...
Hörgshlíð 12
Félagsstarf
Hörgshlíð 12 Boðun fagnaðarerindisins....
Framhald
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...