Guðfríður Lilja hættir um áramótin
Setja bókamerki
Guðfríður Lilja Grétarsdóttir, þingmaður Vinstrihreyfingarinnar - græns framboðs, hefur ákveðið að láta af þingmennsku um áramótin og tekur Ólafur Þór Gunnarsson, varaþingmaður, við sæti hennar á Alþingi fram að þingkosningum í vor.
Þetta kemur fram í fréttatilkynningu frá Guðfríði Lilju en þar segir ennfremur að hún hafi sagt formlega af sér þingmennsku um hádegisbilið í dag með bréfi til forseta Alþingis um leið og hún hafi óskað þingheimi öllum heilla á nýju ári. Hún hafði áður lýst því yfir að hún sæktist ekki eftir endurkjöri eftir kosningarnar í vor og gaf ekki kost á sér í prófkjörum VG vegna þeirra.
Eins og fram kemur í tilkynningunni hefur Guðfríður Lilja verið formaður umhverfis- og samgöngunefndar Alþingis frá því haustið 2011 en áður var hún formaður þingflokks VG og formaður félags- og tryggingamálanefndar Alþingis. Þá hefur hún Hún ennfremur átt sæti í utanríkismálanefnd þingsins og allsherjar- og menntamálanefnd þess.
„Búið að vera í dreifingu í einhvern tíma“
Hafa „ágætis tíma“ til úrbóta
Spursmál: Fyrsta stóra viðtal Katrínar
Unnu að fullum heillindum að kaupum á TM
Ný staða uppi og óvissan meiri
29 nautgripir fundust dauðir
Hyggjast leyfa fólki að skoða gosið