Innlent | Morgunblaðið | 31.12.2012 | 5:30 | Uppfært 5:52

Rætt um að samningar renni út 1. september

mbl.is/Kristinn

Þrátt fyrir að mikil samtöl hafi átt sér stað á milli fulltrúa ASÍ og Samtaka atvinnulífsins að undanförnu vegna endurskoðunar kjarasamninga, hafa þær litlum árangri skilað enn sem komið er.

Samkvæmt heimildum Morgunblaðsins hefur samninganefnd launþegasamtakanna m.a. lagt fram hugmyndir um mögulegar leiðir til að styrkja kaupmátt þeirra hópa sem ekki hafa notið launaskriðs á árinu, þannig að þeir fái einhverjar viðbótarlaunahækkanir. Samið hefur verið áður um slíkt fyrirkomulag sem nefnt hefur verið baksýnisspegill og felur í sér launatryggingu til að bæta laun þeirra sem setið hafa eftir.

Í Morgunblaðinu í dag segir, að til tals hafi komið sú krafa af hálfu launþegaforystunnar að verði samningum ekki sagt upp verði samningstíminn styttur og kjarasamningar á almennum vinnumarkaði gildi aðeins til 1. september næstkomandi. Að óbreyttu renna samningarnir út 31. janúar 2014.

Nánar um málið
í Morgunblaðinu

Áskrifendur:
Lesa blaðið hér

Ekki með áskrift?
Skoða áskriftarleiðir

Innlent »

Uppsagnirnar í þágu heimilismanna

13:36 „Uppsagnirnar tengjast trúnaðarmennskunni ekkert,“ segir Gísli Páll Pálsson, forstjóri hjúkrunarheimilisins Markar, en tveimur trúnaðarmönnum sjúkraliða þar var sagt upp störfum. Hann segir uppsagnirnar hafa verið í þágu heimilismanna og heimilisins. Meira

Íslandsmótið í kotru að hefjast

Hrannar Jónsson Íslandsmeistari í kotru og formaður Geðhjálpar.

13:29 Íslandsmótið í kotru (backgammon) hefst á morgun, fimmtudaginn 23. maí, klukkan 18:00 með undanrásum. Leikið er í Hörpunni. Hver leikur er upp í 5 og keppendur falla úr leik við þriðja tap þangað til keppendafjölda í úrslitum er náð. Meira

Reglurnar ekki í samræmi við EES-rétt

13:26 Íslenskar reglur um skaðsemisábyrgð eru ekki í samræmi við EES-rétt. Þetta er niðurstaða rökstudds álits sem Eftirlitsstofnun EFTA (ESA) sendi íslenskum stjórnvöldum í dag. Meira

Ólöglegt að banna gengistryggð lán í krónum

13:25 Ísland hefur gerst brotlegt við EES samninginn með því að leggja algert bann við veitingu gengistryggðra lána í íslenskum krónum. Þetta er niðurstaða rökstudds álits Eftirlitsstofnunar EFTA (ESA) frá því í dag. Meira

Heimilisköttur fannst skotinn

13:14 Heimilisköttur ungrar stúlku sem hafði verið týndur í þrjá daga, fannst dauður á hafnarsvæðinu í Bolungarvík í gær. Kötturinn hafði verið skotinn. Meira

Dæmdar bætur vegna Pompei norðursins

12:54 Héraðsdómur Suðurlands hefur dæmt Vestmannaeyjabæ til að greiða Jóhannesi Þór Sigurðssyni 3,1 milljón kr. og Blámanni ehf., 184.000 kr. í skaðabætur vegna tjóns sem þeir urðu fyrir vegna uppgraftar mannvirkja, sem kallast Pompei norðursins, sem lentu undir gosefnum við eldgosið í Heimaey 1973. Meira

Heimilin finna breytingar í sumar

Sigmundur Davíð Gunnlaugsson, formaður Framsóknarflokksins við Héraðsskólann á Laugarvatni í dag.

13:16 „Ég veit nú ekki hvort það er alveg nógu þjált nafn,“ sagði Sigmundur Davíð Gunnlaugsson aðspurður hvort þeir Bjarni Benediktsson vonist til að ríkisstjórn þeirra verði kölluð Laugarvatnsstjórnin. Sigmundur segir að heimilin muni væntanlega strax finna mun vegna ýmissa breytinga strax á sumarþingi. Meira

Hjólafólki boðið í kaffi

Hjólreiðamenn í kaffitjaldinu við Suðurlandsbraut í morgun.

13:10 Nú stendur yfir heilsu-og hvatningarverkefni ÍSÍ, Hjólað í vinnuna. Í tilefni af því var boðið uppá kaffitjöld í morgun á fimm stöðum á höfuðborgarsvæðinu. Meira

Mun starfa í ungmennaanda

Formenn Framsóknar- og Sjálfstæðisflokks undirrita stjórnarsáttmálann á Laugarvatni.

11:59 Sigmundur Davíð Gunnlaugsson, formaður Framsóknarflokksins, og Bjarni Benediktsson, formaður Sjálfstæðisflokksins, hafa undirritað stjórnarsáttmála flokkanna í húsnæði gamla Héraðsskólans á Laugarvatni. Meira

Breyta yfirbragði óraskaðs svæðis

11:48 Helstu neikvæðu áhrif framkvæmda við gerð jarðganga á milli Arnarfjarðar og Dýrafjarðar í Ísafjarðarbæ verða sjónræn eðlis og áhrif á landslag. Fram kemur í áliti Skipulagsstofnunar, að framkvæmdirnar muni breyta yfirbragði óraskaðs svæðis og hafa neikvæð og óafturkræf áhrif á landslag. Meira

Ríkisráðið kemur saman til tveggja funda

11:29 Ríkisráð Íslands verður kvatt saman til tveggja funda á Bessastöðum á morgun. Hefst sá fyrri kl. 11:00, þar sem annað ráðuneyti Jóhönnu Sigurðardóttur lýkur störfum. Seinni fundurinn hefst kl. 15:00 þar sem forseti Íslands mun skipa fyrsta ráðuneyti Sigmundar Davíðs Gunnlaugssonar. Meira

Verðbólguskot verði leiðrétt

Sigmundur Davíð Gunnlaugsson og Bjarni Benediktsson kynna innihald stjórnarsáttmálans á Laugarvatni.

11:15 Bættur hagur heimilanna og efling atvinnulífs verður leiðarljós nýrrar ríkisstjórnar Framsóknarflokks og Sjálfstæðisflokks. Fram kemur í stefnuyfirlýsingu flokkanna að grunnviðmiðið, varðandi aðgerðir vegna skuldavanda heimilanna, sé að ná fram leiðréttingu vegna verðbólguskots áranna 2007–2010. Meira

Hvít jörð á Siglufirði

Það er vetrarlegt um að litast á Siglufirði, næstsíðustu vikuna í maí.

10:59 Eflaust brá Siglfirðingum nokkuð í brún þegar þeir vöknuðu í morgun og við þeim blasti hvít jörð. Hiti þar er nú rétt yfir frostmarki og samkvæmt spám má gera ráð fyrir lítilsháttar snjókomu þar eftir helgina. Meira

Tilhlökkun að ræða tækifæri Íslands

Sigmundur Davíð og Ólafur Ragnar á Bessastöðum í dag.

10:22 „Við munum eflaust eiga marga góða fundi á komandi misserum og árum. Það er tilhlökkunarefni að ræða þau mál sem samfélagið stendur frammi fyrir og þau tækifæri sem Ísland stendur frammi fyrir,“ sagði verðandi forsætisráðherra eftir fund sinn með forseta Íslands á Bessastöðum í dag. Meira

Hvasst og bylur suðaustanlands

Sumarið lætur enn bíða eftir sér. Byljótt er á suðausturlandi.

10:18 Hvasst er nú og vindur byljóttur suðaustanlands, austan einkum í Lóni og Hamarsfirði. Gera má ráð fyrir hviðum á þessum slóðum, 25-35 m/s, þar til síðdegis að vind lægir nokkuð. Meira

Flestar hálendisleiðir enn lokaðar

Vegagerðin hefur í dag birt nýtt kort yfir alla fjallvegi og ástand þeirra.

10:53 Vakin er athygli á að nú er allur akstur bannaður á flestum hálendisleiðum vegna aurbleytu og hættu á skemmdum. Nánari upplýsingar eru á heimasíðu Vegagerðarinnar eða í síma 1777. Meira

Fagna stækkun hvalaskoðunarsvæðis

10:21 Samtök ferðaþjónustunnar fagna ákvörðun atvinnu- og nýsköpunarráðherra að stækka það svæði sem hvalaskoðunarfyrirtækin hafa til umráða á Faxaflóa en samtökin hafa lagt mikla áherslu á að banna allar hvalveiðar í Faxaflóa og innan 30 sjómílna frá öllum hvalaskoðunarsvæðum. Meira

„Verkið er í höfn“

09:56 „Verkið er í höfn á þann hátt sem stjórnskipunin mælir fyrir,“ sagði Ólafur Ragnar Grímsson, forseti Íslands, eftir fund sem hann átti fund með Sigmundi Davíð Gunnlaugssyni, formanni Framsóknarflokksins, á Bessastöðum í dag. Meira