Mótframlag ríkissjóðs vegna svonefndra IPA-styrkja frá Evrópusambandinu, sem ætlað er að undirbúa ríki fyrir inngöngu í sambandið, nemur rúmum 2,4 milljörðum króna samkvæmt svari fjármálaráðherra til Vigdísar Hauksdóttur, þingmanns Framsóknarflokksins. Samtals nema IPA-styrkir frá Evrópusambandinu rúmlega 4,3 milljörðum króna.

„Sérstaklega skal á það bent að meirihluti mótframlaganna er útgjöld sem íslenska ríkið hefði þurft að bera þótt ekki hefði komið til aðildarumsóknar að Evrópusambandinu. Má þar sérstaklega nefna verkefni Þýðingamiðstöðvar utanríkisráðuneytis, endurnýjun á tollkerfum ríkisins og umbótaverkefni Fjármálaeftirlitsins,“ segir í svarinu.

Þá sé þess utan reiknað með að Evrópusambandið veiti IPA-styrki að upphæð allt að rúmlega 8,2 milljónum evra til verkefna sem miða að því að undirbúa þátttöku í uppbyggingarsjóðum sambandsins gegn mótframlagi styrkþega upp á tæpar 2,6 milljónir evra.

Svar fjármálaráðherra

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 2 blogg um fréttina

Bloggað um fréttina

• Ægir Óskar Hallgrímsson: Kjósum flokka gegn ESB aðild!!
• Heimssýn: Við borgum milljarða króna aðlögunar- og áróðursstyrki úr eigin vasa!