„Flestar breytingarnar sem gerðar hafa verið frá frumvarpinu sem var lagt fram í fyrra eru til hins verra fyrir útgerðina,“ sagði Friðrik J. Arngrímsson, framkvæmdastjóri LÍÚ, um fiskveiðistjórnunarfrumvarpið sem Steingrímur J. Sigfússon atvinnuvegaráðherra lagði fram í gær.

„Þetta er í grundvallaratriðum sama frumvarpið sem mun veikja íslenskan sjávarútveg og draga úr hagkvæmni hans. Það á að skerða aflaheimildir enn meira en áður. Áfram er gert ráð fyrir að þorskur verði skertur um 9,5% og meira þegar heildaraflamark nær 240.000 tonnum. Þá verða 50% tekin til viðbótar. Enn er gert ráð fyrir að taka 9,8% af steinbít, 6,9% af ýsu og 7,2% af ufsa. Við mótmælum því harðlega að þessar fjórar tegundir séu skertar meira en aðrar. Lagt er til að skerða allar aðrar tegundir um 7%. Þetta eru allt of miklar skerðingar,“ sagði Friðrik.

Í umfjöllun um mál þetta í Morgunblaðinu í dag segir Friðrik, að ein af stóru breytingunum sé sú, að nú eigi að setja mun meira af aflaheimildum í hendur ríkisins sem verður mjög stór þátttakandi á kvótamarkaði í gegnum kvótaþing. Hlutverk þess verður annars vegar að vera vettvangur fyrir viðskipti með aflamark en hins vegar að selja eða leigja aflaheimildir sem ríkið tekur af útgerðunum.

Tengdar fréttir

Kvótafrumvarp

Skilar smám saman auknum heimildum

• Mikið fer til samfélagsins
• Álagning veiðigjalda minnkaði
• Óháð úttekt til að skapa sátt
• Þrjú útgerðarfélög fengu 21,5%

» Fleiri tengdar fréttir