Bjarni endurkjörinn formaður

Bjarni Benediktsson var endurkjörinn formaður Sjálfstæðisflokksins á landsfundi flokksins fyrir stundu. Bjarni fékk 78,9% atkvæða en mótframbjóðandi hans, séra Halldór Gunnarsson í Holti, fékk 1,6% atkvæða. Bjarni var fyrst kjörinn formaður flokksins í mars 2009 en hann hlaut þá rúmlega 58% atkvæða.

Alls voru greidd 1.229 atkvæði og fékk Bjarni 939 atkvæði eða 78,9% greiddra atkvæða.

Auð og ógild atkvæði voru 39.

Hanna Birna fékk 224 atkvæði eða 18,8%.

Séra Halldór Gunnarsson í Holti fékk 19 atkvæði eða 1,6% atkvæða.

• 3 blogg um fréttina

Bloggað um fréttina

• Guðbjörn Guðbjörnsson: Örugg kosning hjá Bjarna
• Óskar: Manneskja sem var ekki í framboði fékk fimmtung atkvæða!!
• Viggó Jörgensson: Þetta ættu vinstri menn að læra.