Truflun varð hjá stórnotanda (álverinu í Straumsvík) á Suðvesturlandi eftir hádegi í gær sem olli miklum aflsveiflum á byggðalínu.
Samkvæmt upplýsingum frá Landsneti leiddi þetta til mikilla truflana og straumleysis hjá notendum á Norður- og Austurlandi á svæðinu frá Blöndu og að Hornafirði.
Allir notendur voru komnir með rafmagn að nýju klukkan 13.19, samkvæmt upplýsingum frá Landsneti.