Íslenskur brotahópur í lykilhlutverki

„Þetta er mjög óvenjuleg staða,“ segir Karl Steinar Valsson, yfirmaður fíkniefnadeildar lögreglunnar á höfuðborgarsvæðinu, um að 10 Íslendingar sitji nú í gæsluvarðhaldi í Danmörku vegna þriggja fíkniefnamála. „Við teljum að Íslendingar hafi gegnt þarna lykilhlutverki í þessum málum,“ segir hann. Málin séu umfangsmikil og tengist öll.

Flestir eru búnir að vera í haldi dönsku lögreglunnar frá því sl. haust. Karl Steinar á von á því að fljótlega verði gefin út ákæra á hendur mönnunum og að málin verði líklega tekin fyrir hjá dönskum dómstólum í sumar. Hann tekur jafnframt fram að rannsókn málanna sé á forræði lögreglunnar í Kaupmannahöfn.

Mikið magn amfetamíns

Tvö fyrstu málin komu upp sl. haust.  Í öðru þeirra hafði lögreglan í Kaupmannhöfn lagt hald á 27 kíló af amfetamíni í aðgerðum sínum og handtekið danskan karlmann. Talið er að Íslendingarnir tengist því máli. Í framhaldinu var lagt hald á 34 kíló af amfetamíni í sameiginlegum aðgerðum lögreglunnar á Íslandi, í Danmörku, Noregi og Svíþjóð, en embættin nutu einnig aðstoðar frá Europol.

Hinn 20. febrúar greindi lögreglan á höfuðborgarsvæðinu svo frá því að tveir Íslendingar til viðbótar hefðu verið úrskurðaðir í gæsluvarðhald í Kaupmannahöfn, en mennirnir eru grunaðir um aðild að innflutningi á 5,5 kg af amfetamíni til Íslands. Lagt var hald á fíkniefnin skömmu áður.

Samtals eru því 10 einstaklingar sem sæta nú gæsluvarðhaldi í Danmörku vegna umfangsmikilla fíkniefnamála að sögn Karls Steinars. „Þetta er mjög óvenjuleg staða,“ segir hann um fjöldann.

Efnin metin á mörg hundruð millljónir kr.

Þá segir hann að með aðgerðum sínum hafi lögreglunni tekist að stöðva starfsemi íslensks brotahóps sem hafi verið mjög virkur í Evrópu. „Þarna hafa Íslendingar verið að vinna á Evrópumarkaði með fókusinn á Norðurlöndin og þar á meðal Ísland. Það er það sem við vorum að stöðva,“ segir Karl Steinar.

Varðandi fíkniefnin segir Karl Steinar að aðallega sé um amfetamín að ræða. „Þetta er mikið af efnum. Þetta eru verðmæti upp á hundruð milljóna [króna].“

Karl Steinar bætir við að mennirnir sem eru nú í haldi hafi leitt þessa brotastarfsemi, þ.e. séu í efstu þrepunum yfir stjórnendur. Þeir hafi verið teknir með mjög sterk fíkniefni sem hægt sé að drýgja verulega, en í þeirra höndum séu 50 kíló af hreinu efni í raun 100 kíló, eða jafnvel meira, þegar þau séu komin í sölu. Til einföldunar megi tvöfalda, eða jafnvel þrefalda, upphaflega magnið.

Tveir þegar hlotið dóm

Karl Steinar bendir á að tveir Íslendingar sem voru handteknir á á Kastrup-flugvelli með fimm kíló af mdma-töflum snemma árs í fyrra tengist umræddum brotahópi. Mennirnir voru í kjölfarið dæmdir í fimm og átta ára fangelsi vegna aðildar sinnar að smyglinu.

Aðspurður segir Karl Steinar að lögreglan sé búin að ná utan um málin og á hann ekki von á því að fleiri verði handteknir í tengslum við rannsóknina.

„Við erum ekki farin að tjá okkur neitt um það,“ segir Karl Steinar, þegar hann er spurður hvort lögreglan viti um uppruna efnanna. Það muni ekki koma fram fyrr en lögreglan leggur fram sín gögn fyrir dómi.

mbl.is

Bloggað um fréttina

Innlent »

Brynja skipuð í Njarðvíkurprestakalli

11:50 Biskup Íslands hefur ákveðið að skipa séra Brynju Vigdísi Þorsteinsdóttur í embætti prests í Njarðvíkurprestakalli Kjalarnessprófastsdæmi. Meira »

Samstarfsörðugleikar hamla starfseminni

11:50 Samstarfsörðugleikar innan yfirstjórnar Heilsugæslunnar á höfuðborgarsvæðinu hafa haft langvarandi og hamlandi áhrif á starfsemi Heilsugæslunnar. Þetta kemur fram í nýrri skýrslu Ríkisendurskoðunar, þar sem velferðarráðuneytið er gagnrýnt fyrir að grípa ekki fyrr til aðgerða. Meira »

Löggæslukostnaðurinn felldur niður

11:28 Löggæslukostnaður sem lögreglan á Norðurlandi eystra innheimti vegna Síldarævintýrisins á Siglufirði, sem haldið var síðasta sumar, hefur verið felldur niður af atvinnuvega- og nýsköpunarráðuneytinu. Meira »

„Frábær vinnubrögð hjá tollvörðum“

10:53 Hugmyndaflug tollvarða og fagleg vinnubrögð urðu þess valdandi að nýlega tókst að leggja hald tæplega tvo lítra af fljótandi kókaíni í Flugstöð Leifs Eiríkssonar, að sögn Kára Gunnlaugsonar yfirtöllvarðar. Meira »

Úttekt á Grindavíkurvegi í næstu viku

10:31 Vegagerðin mun gera úttekt á umferðaröryggi á Grindavíkurvegi í næstu viku. Einnig er verið að skoða hver kostnaðurinn yrði við endurbætur á veginum. Meira »

Hefur játað árásina

09:54 Karlmaður hefur játað að hafa stungið mann í Kjarnaskógi á Akureyri á föstudaginn langa. Maðurinn var stunginn tvívegis í lærið. Hann var fluttur á sjúkrahús í kjölfar árásarinnar en er á batavegi. Meira »

Hætta við eða stytta ferðir

07:57 Síðdegis í gær höfðu 42 umsagnir um fjármálaáætlun ríkisstjórnarinnar til næstu fimm ára borist til fjárlaganefndar Alþingis, langflestar frá ferðaþjónustufyrirtækjum og einstaklingum. Meira »

260 hafa sótt um vernd í ár

09:22 Alls sóttu 223 einstaklingar um alþjóðlega vernd hér á landi á fyrsta ársfjórðungi og er það rúmlega 60% fjölgun milli ára. Það sem af er aprílmánuði hafa um 40 einstaklingar sótt um vernd og er heildarfjöldi umsókna á fyrstu 15 vikum ársins því kominn yfir 260. Flestir þeirra eru af Balkanskaganum. Meira »

Sandstrókar á haf út

07:37 „Þetta eru vissulega miklir strókar, en því miður er þetta ekki óalgengt. Ísland er mjög stór uppspretta þegar kemur að sandstormum og teygja þeir sig gjarnan mörg hundruð kílómetra út á haf,“ segir Ingibjörg Jónsdóttir, jarðfræðingur við Háskóla Íslands. Meira »

Krapi á Fróðárheiði

07:35 Vegir eru greiðfærir á Suðurlandi en á Vesturlandi er hálka eða hálkublettir á nokkrum fjallvegum og krapi á Fróðárheiði.   Meira »

Ekki gangsett án samráðs við UST

07:24 Stjórnendur kísilmálmvinnslu United Silicon (USi) í Helguvík gera ekki athugasemdir við þá ákvörðun Umhverfisstofnunar (UST) að heimila ekki gangsetningu verksmiðjunnar að nýju nema að höfðu samráði við stofnunina. Meira »

Hvalreki á Suðurlandi

07:03 Lögreglunni á Suðurlandi barst ábending í gærkvöldi um hvalreka skammt vestur af Þorlákshöfn.   Meira »

Kalda loftið streymir til suðurs

06:54 Á Suðausturlandi og Austfjörðum verður þurrt og eitthvað sést til sólar, þar gæti hitinn náð í 13-14 stig á morgun þegar hlýja loftið hefur náð að sópa öllu því kalda burt suður á bóginn. Þetta þýðir aftur á móti kuldakast í Skandinavíu og Skotlandi. Meira »

Furðar sig á tölum ríkisins

05:30 María Heimisdóttir, framkvæmdastjóri fjármálasviðs Landspítalans, furðar sig á samanburðartölum við Norðurlöndin í fjármálaáætlun ríkisins 2018-2022. Meira »

Kríurnar snemma á ferðinni á Höfn

05:30 Fyrstu kríur vorsins sáust á Jökulsárlóni á Breiðamerkursandi þann 18. apríl. Björn Gísli Arnarson, fuglaáhugamaður á Höfn í Hornafirði, sá þá fimm kríur við lónið. Meira »

Heimilisofbeldi, innbrot og dóp

06:34 Einn var handtekinn af lögreglunni á höfuðborgarsvæðinu í tengslum við heimilisofbeldi í nótt. Nokkrir ökumenn reyndust annaðhvort dópaðir eða drukknir undir stýri og eins var brotist inn á frístundaheimili. Þetta er meðal verkefna sem lögreglan á höfuðborgarsvæðinu var að kljást við í gærkvöldi og nótt. Meira »

Bankinn gerður afturreka

05:30 „Við látum ekki kyrrt liggja,“ segir Þorsteinn Már Baldvinsson, forstjóri útgerðarfyrirtækisins Samherja, í samtali við Morgunblaðið, en í gær felldi Héraðsdómur Reykjavíkur úr gildi 15 milljóna króna stjórnvaldssekt sem Seðlabanki Íslands lagði á fyrirtækið fyrir brot á gjaldeyrislögum. Meira »

Vonarland víkur fyrir nýbyggingum

05:30 Framkvæmdir eru að hefjast við byggingu tveggja fjölbýlishúsa á lóðunum við Sogaveg 73-77. Byrjað er að fella tré og verða tvö hús, Vonarland og Vonarland II, sem þar standa, rifin til að rýma fyrir nýju húsunum. Meira »
OZONE lofthreinsun tæki til leigu.
Rekur þú hótel/gistihús,þetta tæki eyðir allri ólykt m.a. af raka-myglu-og reyk....
GÁMAR TIL SÖLU _ GÁMAR TIL SÖLU
2 stk góðir 20 feta gámar til sölu. Voru fluttir nýjir til landsins með snyrtile...
Refapels, síður.
Til sölu ónotaður síður Liz Clayborne refapels, í stærð sem sennilega er Large,...
 
Eldri borgarar
Staður og stund
Aflagrandi 40 Opin vinnustofa kl. 9, gön...
Aðalfundi frestað
Fundir - mannfagnaðir
Knattspyrnufélagið Valur Aðalfun...
L fjölnir 6017042119 i lf.
Félagsstarf
? FJÖLNIR 6017042119 I Lf. Mynd af au...
Samkoma
Félagsstarf
Hörgshlíð 12 Boðun fagnaðarerindisins....