„Ég myndi vilja hvetja þingmanninn til að stíga varlega til jarðar í þessum efnum því að það er morgunljóst að ef vantrauststillaga þingmannsins verður samþykkt og ekki er búið að tryggja málinu framhaldslíf að þá verður ábyrgðin á því að hafa stöðvað stjórnarskrármálið hjá einum þingmanni og bara einum þingmanni. Það er nú bara staða málsins.“

Þetta sagði Magnús Orri Schram, þingmaður Samfylkingarinnar, á Alþingi í dag og beindi orðum sínum að Þor Saari, þingmanni Hreyfingarinnar, sem lagði fram vantrauststillögu á ríkisstjórnina vegna stjórnarskrármálsins í gær í annað sinn en í fyrra skiptið dró hann tillöguna til baka. Gert er ráð fyrir að tillaga Þórs verði tekin fyrir í þinginu á morgun.

Magnús lagði áherslu á að þeir Þór væru báðir áhugamenn um gerð nýrrar stjórnarskrár en greindi hins vegar aðeins á um stöðu málsins. Sjálfur hafi hann talið hyggilegt að ræða um auðlindaákvæði í stjórnarskrána og framhaldslíf vinnunnar við endurskoðun stjórnarskrárinnar en Þór telji „betra að fara fram vantrausttillögu áður en búið er að tryggja málinu eitthvert framhald.“

Tengdar fréttir

Stjórnarskrármálið

Einkaverkefni forsætisráðherra

• Stjórnarskrárfélagið málaði hönd Danakonungs bláa
• Rúmlega helmingur styður tillögur stjórnlagaráðs
• Katrín vill sátt um annað en ósættið
• Feneyjanefndin skýrir mál sitt

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Sérstakt að hætta skuli vera á þessu hér.