Finnst framtíðin oft vonlaus

Nær helmingi unglingsstúlkna sem orðið hafa fyrir heimilisofbeldi finnst framtíðin oft eða nær alltaf vera vonlaus. Meira en fjórum sinnum líklegra er að unglingsdrengir sem hafa orðið fyrir heimilisofbeldi hafi neytt kannabisefna en drengir sem ekki hafa orðið fyrir sömu reynslu.

Þetta kemur m.a. fram í ítarlegri skýrslu UNICEF sem kom út í morgun, Réttindi barna á Íslandi: Ofbeldi og forvarnir.

Vísbendingar eru um að kynferðislegt ofbeldi hafi meiri áhrif til langs tíma á þá sem verða fyrir því sem börn en aðra. Um 45% þeirra sem urðu fyrir kynferðislegu ofbeldi á barnsaldri og leituðu til Stígamóta á þriggja ára tímabili höfðu íhugað sjálfsvíg, samanborið við 26% þeirra sem brotið var á eftir 18 ára aldur.

Enn fremur var tvöfalt líklegra að þeir fyrrnefndu hefðu skaðað sjálfa sig og mun fleiri þeirra voru með lélega sjálfsmynd – nær 90%. Einnig má nefna að í tölfræðigreiningunni fyrir UNICEF kom í ljós að rúmlega helmingur kynferðisbrota sem framin voru á börnum sem komu í Barnahús á 11 árum flokkast sem „mjög gróf“.

Aðgerðir vegna vanrækslu ættu að vera mun meiri

Önnur birtingarmynd ofbeldis er einelti. Þegar gögn voru greind sem Skólapúlsinn hefur safnað kom meðal annars í ljós að rúm 40% þeirra sem verða fyrir miklu einelti sýna sterk einkenni vanlíðanar og kvíða en það á við um sárafáa þeirra sem verða fyrir litlu eða engu einelti. Enn önnur birtingarmynd ofbeldis er vanræksla. Í skýrslu UNICEF kemur fram að miðað við umfang vanrækslu og alvarlegar afleiðingar hennar ættu umfjöllun, umræða og aðgerðir vegna vanrækslu að vera miklu meiri.

 Forsætisráðherra, velferðaráðherra, innanríkisráðherra og mennta-og menningarmálaráðherra verða kynntar niðurstöður skýrslunnar á fundi í Ráðherrabústaðnum eftir hádegi í dag. Ungmenni sem orðið hafa fyrir kynferðislegu ofbeldi og skipuðu sérfræðihóp barna fyrir skýrsluna munu auk þess ræða við ráðherrana og kynna eigin tillögur um hvernig koma megi í veg fyrir ofbeldi gegn börnum.

Grafalvarlegt mál

 „Það sem gögnin sýna er að skýr tengsl eru á milli andlegrar vanlíðan og þess að hafa orðið fyrir ofbeldi – hvort sem það er heimilisofbeldi, einelti, kynferðislegt ofbeldi eða annað. Börn sem orðið hafa fyrir þessu ofbeldi eru meira einmana en hin, sýna frekar áhættuhegðun, líður verr í skólanum og finnst framtíðin dekkri. Þetta er grafalvarlegt mál og kallar á skýr viðbrögð samfélagsins,“ er haft eftir Stefáni Inga Stefánssyni, framkvæmdastjóra UNICEF á Íslandi, í fréttatilkynninu.

 Stefán bendir á að tölfræðigögn eins og þau sem birtist í skýrslu UNICEF eigi að vera ómissandi þáttur í markvissri og skilvirkri stefnumótun í baráttunni gegn ofbeldi. Til að mögulegt sé að hafa raunveruleg áhrif í málaflokkinum þurfi að fylgjast vandlega með þróun og áhrifum ofbeldis.

 „Það kann að sæta furðu að öll þau gögn sem skýrslan byggir á lágu fyrir þegar vinna við hana hófst. Allar tölurnar voru til. Þær höfðu einfaldlega ekki verið skoðaðar með þeim hætti sem hér er gert. Staðan er sú að mikið magn upplýsinga er til staðar hjá ýmsum stofnunum í samfélaginu en þær eru ekki greindar með skipulögðum hætti. Það hlýtur að vera yfirvalda að kalla eftir gögnum og safna þeim markvisst saman,“ er haft eftir Stefáni.

Barátta til lengri tíma

Í skýrslu UNICEF er að finna sextán tillögur um leiðir til að minnka ofbeldi gegn börnum á Íslandi. Þær eru byggðar á viðamikilli fundaröð sem haldin var með þátttöku fjölmargra fagaðila sem vinna með og fyrir börn. Meðal þess sem lagt er til er að komið verði á fót sérstöku Ofbeldisvarnaráði og að réttindafræðsla í gegnum menntakerfið verði markvissari, bæði til barnanna sjálfra og þeirra sem vinna með þeim. Almenningur er hvattur til að kynna sér tillögurnar í heild sinni á heimasíðunni www.unicef.is.

UNICEF hvetur stjórnvöld til að halda áfram, stórauka við aðgerðir sínar og sjá markvissa baráttu gegn hvers kyns ofbeldi sem hluta af langtímastefnumótun. Tímabundin átaksverkefni taka enda en forvarnir þurfa að vera til staðar til frambúðar.

Frétt mbl.is: Fjöldi barna er beittur ofbeldi

mbl.is

Innlent »

Gæti orðið margfalt grunnkaupverðið

16:53 Verði skipulagi á Vífilstaðalandinu breytt frá því sem nú er og byggingarmagn aukið eða nýtingu svæðisins breytt fær ríkissjóður verulegan hlut af verðmæti byggingarréttar þar umfram það grunnkaupverð sem Garðabær greiðir fyrir landið. Meira »

„Standa öll spjót á rokkbóndanum“

16:43 „Ég vissi að hann hefði verið í hljómsveit sem bæri nafnið HAM. En að hann gæti skipt jafn auðveldlega um ham, það hafði mig ekki grunað.“ Þetta sagði Einar Brynjólfsson, þingmaður Pírata, um Óttar Proppé heilbrigðisráðherra á Alþingi í dag. Meira »

Segist ekki hafa hunsað fjármálaráð

16:41 Benedikt Jóhannesson, fjármála- og efnahagsráðherra, segist ekki hafa hunsað þær ábendingar sem fjármálaráð veitti stjórnvöldum vegna nýrrar fjármálaáætlunar. Meira »

Tveir brunar í Hafnarfirði

16:37 Tvær ilkynningar bárust slökkviliði höfuðborgarsvæðisins um klukkan hálf fjögur um eld í Hafnarfirði. Annars vegar í iðnaðarhúsnæði og hins vegar í íbúðarhúsnæði. Meira »

Öllum ráðum beitt í leitinni að Arturi

16:05 Ástæðan fyrir því að Arturs Jarmoszko var leitað í fjörum við Fossvog var sú að símamöstur í Kópavogi og á Álftanesi námu merki úr síma hans nóttina sem síðast sást til hans. Lögreglan segist hafa notað öll tiltæk ráð til að leita unga mannsins. Meira »

Lóguðu ketti ferðamanns

15:35 Lögreglumenn á Höfn fengu í síðustu viku ábendingu um svissneska konu sem kom með Norrænu til Seyðisfjarðar í síðustu viku. Á Facebook-síðu lögreglunnar á Suðurlandi kemur fram að konan hafi verið á húsbíl og uppi grunur um að hún væri með kött sem væri ólöglega fluttur inn í landið. Meira »

85 milljóna króna halli á LSH

14:53 Á árinu 2016 var ársvelta Landspítalans um 63.686 milljónir króna. Tekjuhalli var á árinu þar sem rekstrargjöld voru 85 milljónir umfram rekstrartekjur og ríkisframlag. Meira »

Ákærður fyrir 20 milljóna skattabrot

15:28 Embætti héraðssaksóknara hefur ákært sextugan karlmann og tvö einkahlutafélög í ferðaþjónustu sem eru í eigu mannsins fyrir meiri háttar skattalagabrot. Hin meintu brot eru sögð hafa átt sér stað frá árinu 2013 til 2016. Meira »

Sekt Samherja felld niður

14:53 Héraðsdómur Reykjavíkur hefur fellt úr gildi ákvörðun Seðlabanka Íslands um að beita útgerðafélagið Samherja 15 milljóna króna stjórnvaldssekt. Þarf Seðlabankinn jafnframt að greiða Samherja 4 milljónir í málskostnað. Meira »

Sektaði rúmlega 100 bíla í Garðabæ

14:49 Lögregla sektaði yfir eitt hundrað ökutæki vegna ólöglegra lagninga fyrir utan Ásgarð í Garðabæ um helgina þar sem fram fór íþróttamót. Samkvæmt Facebook-færslu lögreglunnar á höfuðborgarsvæðinu voru lagningar ökutækja afar slæmar. Meira »

Verður yngsti þingmaður sögunnar

14:36 Þrír varamenn taka í dag sæti á Alþingi fyrir Viðreisn. Þetta er í fyrsta sinn sem Viðreisn kallar inn varamenn á þing. Einn varamannanna er Bjarni Halldór Janusson en hann er í tilkynningu frá Viðreisn sagður yngsti þingmaður sögunnar til að taka sæti á Alþingi. Meira »

Fljótandi kókaín í fyrsta sinn

14:05 Tollverðir í Flugstöð Leifs Eiríkssonar í Keflavík lögðu nýverið hald á tæpa tvo lítra af fljótandi kókaíni. Efnið fannst við reglubundið eftirlit, í farangri tæplega þrítugs karlmanns sem var að koma frá Amsterdam. Meira »

Stendur ekki undir markmiði laga

13:35 Heilsugæsla höfuðborgarsvæðisins stendur ekki undir því markmiði laga um heilbrigðisþjónustu að vera fyrsti viðkomustaður sjúklinga. Meginástæðurnar eru vankantar á skipulagi í heilbrigðiskerfinu, takmarkaðar fjárveitingar til Heilsugæslunnar og skortur á aðhaldi. Meira »

Fá æfingu í að takast á við olíueld

11:54 Þykkur svartur reykur sem ber við himinn á Suðurnesjum hefur vakið athygli margra nú í morgun. Ekki er nein hætta á ferðum að þessu sinni, heldur eru starfsmenn slökkviliðsins á Akureyri í heimsókna að fá æfingu í að takast á við olíueld á Keflavíkurflugvelli. Meira »

Stjórn United Silicon fundar í dag

10:37 Stjórnarfundur hefst hjá United Silicon fyrir hádegi þar sem rætt verður um næstu skref hjá fyrirtækinu. Á fundinn mæta norskir sérfræðingar. Frestur sem Umhverfisstofnun veitti fyrirtækinu til að gera athugasemdir við fyrirætlanir stofnunarinnar um að stöðva starfsemi þess rennur út á miðnætti. Meira »

Macron „geðugur og upplýstur“

13:21 Ólíklegt er að endanleg niðurstaða forsetakosninganna hafi áhrif á samskipti Íslands og Frakklands, að mati Kristján Andra Stefánssonar, sendiherra Íslands í Frakklandi. Hann hefur hitt Emmanuel Macron, sem mun keppa við Marine Le Pen um forsetastólinn, og segir hann geðugan og upplýstan mann. Meira »

40% nemenda ekki mætt í skólann

11:01 Fjörutíu prósent nemenda við Grunnskóla Fjallabyggðar mættu ekki í skólann í dag, en af 205 nemendum eru 122 mættir samkvæmt upplýsingum frá skólanum. Á Ólafsfirði eru 34 mættir af 91 nemanda, en 88 á Siglufirði af 114. Hluti forfallanna mun eiga sér eðlilegar skýringar. Meira »

Jón Valur sýknaður af hatursorðræðu

10:35 Jón Valur Jensson guðfræðingur var í dag sýknaður í Héraðsdómi Reykjavíkur af ákæru um hatursorðræðu. Var í ákærunni talið að ummæli á blog-síðu hans fælu í sér háð, rógburð og smánun á opinberum vettvangi í garð ótilgreinds hóps manna vegna kynhneigðar og kynvitundar þeirra. Meira »
Heima er bezt tímarit
Þjóðlegt og fróðlegt Áskr.sími 553 8200 www.heimaerbezt.net...
Trigger- Punkta - Spjöld 2stk 7500 kr
Trigger punkta spjöld 74cm x 53 cm kr 7500 (2stk) 1 af neðri hluta líkamans ...
 
Félagsstarf
Staður og stund
Aflagrandi 40 Opin vinnustofa kl 9, Bing...
L fjölnir 6017042119 i lf.
Félagsstarf
? FJÖLNIR 6017042119 I Lf. Mynd af au...
Samkoma
Félagsstarf
Hörgshlíð 12 Boðun fagnaðarerindisins....
Blaðberar keflavík
Ófaglært starfsfólk
Blaðbera vantar í Keflavík Áhugas...