Traust á Alþingi en ekki þingmönnum

„Ég leyfi mér hins vegar að fullyrða að traust þjóðarinnar á þeirri stofnun, sem Alþingi er, hafi ekki bilað. [...] Vandinn er sá a að þegar talað er um stöðu Alþingis og ímynd þess í þjóðfélaginu gera menn engan greinarmun á stofnuninni Alþingi og þeim sem þingið skipa hverju sinni.“ Þetta sagði Ásta Ragnheiður Jóhannesdóttir, forseti Alþingis, við lok þingfundar liðna nótt.

Ásta sagði að Alþingi hafi oftlega sætt harðri gagnrýni á kjörtímabilinu og mælingar á viðhorfum almennings til þingsins hafi ekki verið uppörvandi fyrir alþingismenn. "Að mínu mati snýst neikvæð umræða um Alþingi ekki um stofnunina eða þau lýðræðisgildi sem hún stendur fyrir. Hún beinist fyrst og fremst að þeim sem hingað eru valdir, ákvörðunum þeirra og vinnulagi."

Í lok ræðu sinnar hét Ásta svo á alþingismenn og öll þau stjórnmálasamtök sem leita eftir stuðningi kjósenda að ganga til leiks með orðsins brand að vopni og heyja góða og heiðarlega kosningabaráttu sem megi öllum verða til sóma.

• 6 blogg um fréttina

Bloggað um fréttina

• Ólafur Ragnarsson: "við þessi ummæli"
• Jóhannes Laxdal Baldvinsson: Friðhelgi stofnunar, húss eða manna
• Bjarni Harðarson: Misheppnuð hópíþrótt
• Gunnar Heiðarsson: Miskilningur eða yfirlæti forseta Alþingis
• Óðinn Þórisson: Virðing Alþings er fólkið sem þar er
• Friðrik Hansen Guðmundsson: Alþingi braut samfélagssáttmálann með afgreiðslu stjórnarskrármálsins.